Vaega 22
Faaaliga na tuuina mai e ala mai ia Iosefa Samita le Perofeta, i Manaseta, Niu Ioka, i le aso 16 o Aperila, 1830. O lenei faaaliga na tuu mai i le Ekalesia ona o ni isi o e na papatiso muamua na mananao e auai faatasi ma le Ekalesia e aunoa ma le toe papatisoina.
1, O le papatisoga o se feagaiga fou ma tumau e faavavau; 2–4, E manaomia le papatisoga e fai i le pule.
1 Faauta, Ou te fai atu ia te outou, ua Ou faia ia faamutaina i lenei mea feagaiga tuai uma; ma o se feagaiga fou ma tumau e faavavau lenei, lea lava sa i ai mai le amataga.
2 O le mea lea, e ui ina papatiso faaselau se tagata e lē aoga lava ia te ia, ona e lē mafai ona outou ulu atu i le faitotoa vaapiapi e ala i le tulafono a Mose, pe ala ia outou galuega mamate.
3 Auā ona o a outou galuega mamate ua Ou faia ai lenei feagaiga mulimuli ma lenei ekalesia ia ati a’e i luga ia te a’u, e pei lava o aso anamua.
4 O le mea lea, ia outou ulu mai i totonu i le faitotoa, e pei ona Ou poloaiina, ma aua le saili e fautua i lo outou Atua. Amene.