Isigaba 79
Isambulo esanikwa ngoJoseph Smith umPhrofethi, eHiram, e-Ohio ngomhlaka 12Â Mashi, 1832.
1–4, UJared Carter ubizelwa ukushumayela ivangeli ngoMduduzi.
1 Ngiqinisile ngithi kuwe, kuyintando yami ukuthi inceku yami uJared Carter kufanele ahambe futhi aye emazweni asempumalanga, indawo ngendawo, futhi idolobha ngedolobha, ngamandla okugcotshwa agcotshwe ngawo, ememezela izindaba ezinhle zentokozo enkulu, ngisho ivangeli laphakade.
2 Futhi ngizothumela kuye uMduduzi, ozomfundisa iqiniso nendlela azohamba ngayo;
3 Futhi kangangoba ethembekile, ngizomethwesa umqhele futhi nezithungu.
4 Ngalokho-ke, inhliziyo yakho mayijabule, nceku yami uJared Carter, futhi ungesabi, kusho iNkosi yakho, ngisho uJesu Kristu. Amen.