Isigaba 83
Isambulo esanikwa ngoJoseph Smith umPhrofethi, e-Independence, eMissouri, ngomhlaka 30Â Epreli 1832. Lesi sambulo satholakala ngesikhathi umPhrofethi ehleli emkhandlwini nabazalwane bakhe.
1–4, Abesifazane nabantwana banelungelo lokondliwa ngabayeni noyise; 5–6, Abafelokazi nezintandane banelungelo lokondliwa yiBandla.
1 Ngiqinisile, isho kanje iNkosi, ngaphezulu kwemithetho yebandla ngokuphathelene nabesifazane nabantwana, labo abangabebandla, asebelahlekelwe ngabayeni noma oyise:
2 Abesifazane banelungelo lokondliwa ngabayeni babo, baze abayeni babo bathathwe yiNkosi; futhi uma bengatholwanga bephambuka bayoba nobulungu ebandleni.
3 Futhi uma bengathembekile ngeke babe nobulungu ebandleni; nokho bangaphila ngamafa abo ngokwemithetho yezwe.
4 Bonke abantwana banelungelo lokondliwa ngabazali babo baze babe neminyaka yobudala.
5 Futhi emva kwalokho, banelungelo lokondliwa yibandla, noma ngamanye amazwi endlini yengcebo yeNkosi, uma abazali babo bengenakho abangabanika ngakho amafa.
6 Futhi indlu yengcebo iyogcinwa ngeminikelo yebandla; futhi abafelokazi nezintandane bayokondliwa khona, ngokunjalo nabampofu. Amen.