1 Em̧ool, āindein Irooj ej ba n̄an kom̧ ro rikarejera, ekkar n̄an būrabōļ eo kōn wiit ko im tāō ko:

2 Lo, em̧ool Ij ba, jikin kallib eo eaar laļ in, im rijjilōk ro rekar rikalbwin ine eo;

3 Im ālikin aer kar kiki riko̧kkure eo eļap an kabun̄ eo, rijālbōro eo, kōrā kijon̄ eo, em̧ool Babilon, eo ej kōm̧m̧an aolep laļ ko n̄an idaak jān kap eo an, ro ilo burueer rikōjdat eo, em̧ool Setan, ej jijet n̄an irooj—lo ej kalbwin tāō ko; kōn menin, tāō ko rej bauti im m̧anļo̧k wūt ko im ubaakeļo̧k kabun̄ eo ilo āne jem̧aden.

4 Ak lo, ilo raan ko āliktata, em̧ool kiiō ke Irooj ej jino n̄an bōk m̧aantak naan eo, im juļ eo ej jebar im ej ub wōt—

5 Lo, em̧ool Ij ba n̄an kom̧, enjeļ ro rej akweļap n̄an Irooj raan im bon̄, ro repojak im rej kōttar n̄an an jilkinļo̧k er n̄an m̧adm̧ōde jikin kallib ko;

6 Ak Irooj ej ba n̄an er, jab totaki tāō ko ke juļ ko rej ub wōt (bwe em̧ool ami tōmak em̧ōjņo̧), n̄e kom̧ ab ko̧kkuri wiit barāinwōt.

7 Kōn menin, kōtļo̧k bwe wiit ko im tāō ko ren eddekļo̧k ippān doon m̧ae m̧adm̧ōd eo ej lukkuun kalo; innām kom̧ naaj m̧okta aini wiit ko jān ilubwiljin tāō ko, im ālikin ainitok eo an wiit ko, lo im lo, tāō ko naaj lukwōji ilo tūrtūr ko, im meļaaj eo e pād n̄an an kattil.

8 Kōn menin, āindein Irooj ej ba n̄an kom̧, ippān ro im priesthood eo ej wōnm̧aanļo̧k kōn bwij ko an ro jemāmi—

9 Bwe kom̧ij rijolōt ro kōmlet kake, ekkar n̄an kanniōk, im kar ņooj kom̧ jān laļ ippān Kraist ilo Anij—

10 Kōn menin ami mour im priesthood eo rekar pād wōt, im reaikuj in pād wōt kōn kom̧ im bwij eo ami m̧ae jepļaaktok eo an aolep men ko kōnono kaki jān lo̧n̄iin aolep rikanaan ro rekwōjarjar jān wōt kar jinoin laļ.

11 Kōn menin, kom̧in m̧ōņōņō eļan̄n̄e kom̧ij wōnm̧aanļo̧k ilo em̧m̧an eo Aō, juon meram n̄an ro riAelōn̄ ko, im kōn priesthood in, juon rilo̧mo̧o̧r n̄an armej ro Aō Israel. Irooj eaar ba men in. Amen.