11. Disso ti Templo iti Far West

Ti pagindegan ti Far West, Missouri, ket nagbalin a pagtaengan para kadagiti 3,000 agingga iti 5,000 a Santo a nagkalikagum iti pagkamangan manipud iti pannakaidadanes kadagiti Jackson County ken Clay. Idi maika-31 ti Oktubre 1838 natiliw ni Propeta Joseph Smith ken dagiti dadduma pay a dadaulo ti Simbaan, ket kalpasan ti pannakausig iti Richmond, nabaludda iti Pagbaludan ti Liberty. Kabayatan ti panawen ti lam-ek idi 1838–39, napapanaw dagiti Santo iti Ud-udina nga Aldaw manipud iti Far West ken dadduma pay a disso iti Missouri ket nayakarda iti Illinois.

Dagiti Napapateg a Pasamak: Naidaton ti disso ti templo ken naikabil dagiti panuli a bato. Naawat dagiti pito a paltiing a naipablaak iti Doktrina ken Katulagan (dagiti benneg 113–115; 117–120). Nayanak ni Joseph F. Smith, ti maikanem a Presidente ti Simbaan, idi maika-13 ti Nobiembre 1838 iti Far West. Nagserbi biit ti Far West a kas kuartel ti Simbaan babaen ti panangidaulo ni Propeta Joseph Smith.