Dagiti Ladawan ti Luglugar iti Pakasaritaan ti Simbaan

Dagitoy a ladawan dagiti napateg a lugar iti pakasaritaan ti Simbaan ti mangiladawan kadagiti daga a nagnaan dagiti nagkauna a Santo iti Ud-udina nga Aldaw, a nagnaedan ken nangisuruan dagiti moderno a propeta, ken nakapagtengan ti adu a pasamak a mainaig iti nasantuan a kasuratan. Tapno matulongankayo a nasaysayaat a mangaramat kadagitoy a ladawan iti panagadalyo, napakuyogan ti tunggal ladawan iti ababa a pangiladawan. Agpada ti numero ti pangiladawan ken ti paulo ti mainugot a ladawan. Ilawlawag ti umuna a parapo a sumaruno iti paulo ti pangiladawan ti lugar ti ladawan, a pakairamanan dagiti napateg a banag a makita ken masansan a mangiturong kadakayo bayat ti panangkitayo iti ladawan. Sa naisurat dagiti kapatgan a pasamak a mainaig iti nasantuan a kasuratan manipud iti dayta a lugar, a napakuyogan kadagiti pagibasaran a nasantuan a kasuratan tapno maammuanyo ti ad-adu pay a pakabasaanyo maipanggep kadagita a pasamak.