2. Turod ti Cumorah ken Lugar ti Manchester-Palmyra

Buya nga agpaamianan, ipakita daytoy a ladawan ti Turod ti Cumorah, iti Manchester, Nueva York. Makita ti turod iti akimbaba a kanawan a suli ti ladawan ken agatiddog iti nasursurok bassit iti nagtengngaan iti tuktok ti ladawan. Pangdayaw ken ni anghel Moroni ken ti idadateng ti Libro ni Mormon ti puraw a monumento a makita iti akin-amianan nga ungto ti turod. Masarakan ti Turod ti Cumorah iti agarup lima a kilometro iti abagatan a daya ti Sagrado a Kakaywan. Adda ti Palmyra iti asideg a tuktok ti ladawan, innem ket kagudua a kilometro ti kaadayona. Masarakan ti Talon dagiti Smith ken ti Sagrado a Kakaywan iti akinngato a paset iti makanigid ti ladawan.

Dagiti Napapateg a Pasamak: Nagindeg iti daytoy a lugar ti kaamaan ni Propeta Joseph Smith iti panawen ti Umuna a Parmata (JS—P 1:3). Idi K.P. 421, inkali ni Moroni dagiti pinanid a balitok a naglaon iti sagrado a pakasaritaan dagiti taona iti Turod ti Cumorah (DBM 1:1–11; Morm. 6:6; Moro. 10:1–2). Daytoy met la a Moroni ti nangibaga ken ni Joseph Smith no sadino ti pakasarakan kadagiti pinanid—iti amianan nga ungto ti turod, iti akinlaud a sikigan ti turod, iti asideg ti tuktok. Inyawat ni Moroni dagitoy kenkuana idi 1827 (DkK 27:5; 128:20; JS—P 1:33–35, 51–54, 59).