Panagsasaruno Dagiti Pasamak ti Pakasaritaan ti Simbaan

Joseph Smith (1805–44) nayanak kada Joseph Smith Sr. ken Lucy Mack Smith, Sharon, Vermont (kitaen iti JS—P 1:3).

Inawat ni Propeta Joseph Smith ti Umuna a Parmata iti kakaywan kadagiti Ili ti Palmyra ken Manchester, Nueva York, asideg iti pagtaenganna (kitaen iti JS—P 1:15–17).

Sinarungkaran ni anghel Moroni ni Joseph Smith ket nabagaan iti maipapan iti kasuratan ti Libro ni Mormon. Nakita ni Joseph dagiti pinanid a balitok a naikali iti asideg a turod (Cumorah) (kitaen iti JS—P 1:27–54).

Innala ni Joseph Smith dagiti pinanid a balitok manipud ken ni Moroni iti Turod ti Cumorah (kitaen iti JS—P 1:59).

Inted ni Juan a Mammuniag ti Kinasaserdote nga Aaron kada Joseph Smith ken Oliver Cowdery iti Harmony, Pennsylvania (kitaen iti DkK 13; JS—P 1:71–72).

Inawat da Joseph Smith ken Oliver Cowdery ti Kinasaserdote a Melchizedek manipud kada Pedro, Santiago, ken Juan iti asideg ti Karayan Susquehanna iti nagbaetan ti Harmony, Pennsylvania, ken Colesville, Nueva York (kitaen iti DkK 128:20).

Naileppas ti pannakaipatarus ti Libro ni Mormon. Impakita dagiti Tallo a Saksi ken Walo a Saksi dagiti pinanid a balitok (kitaen iti 2 Ne. 11:3; 27:12–13; DkK 17).

Nagun-od dagiti umuna a naimaldit a kopia ti Libro ni Mormon, Palmyra, Nueva York.

Nabukel ti Simbaan iti Ili ti Fayette, Nueva York.

Naawagan dagiti umuna a misionario tapno mangasaba kadagiti Lamanite (Dagiti Sigud nga Amerikano) (kitaen iti DkK 28; 30; 32).

Nabilin dagiti Santo nga aguummong iti Ohio (kitaen iti DkK 37; 38:31–32).

Naipaltiing ti disso para iti siudad ti Zion (ti Baro a Jerusalem) iti Independence Missouri, ken ni Propeta Joseph Smith (kitaen iti DkK 57; PP 1:10).

Natudingan da Sidney Rigdon ken Frederick G. Williams a kas Mamagbaga iti Panguluen ti Simbaan (kitaen iti paulo ti DkK 81) ken naikkanda kadagiti tulbek daytoy maudi a pagarian (kitaen iti paulo ti DkK 90; bersikulo 6).

Nangrugi nga immadayo dagiti Santo manipud kadagiti bunggoy a mangriribuk iti Jackson County, Missouri a nangballasiw ti Karayan Missouri ken nagturong iti Clay County.

Pimmanaw ni President Joseph Smith iti Kirtland, Ohio, a napan iti Missouri a kas dadaulo ti Kampo ti Zion tapno mangyeg iti tulong kadagiti Santo a napapanaw iti Jackson County.

Nabukel ti Korum dagiti Sangapulo-ket-dua nga Apostol, Kirtland, Ohio (kitaen iti DkK 107:23–24).

Nairugi ti pannakabukel ti Umuna a Korum ti Pitupulo, Kirtland, Ohio.

Naawat ti Doktrina ken Katulagan a kas maysa a libro ti nasantuan a kasuratan ti Simbaan, Kirtland, Ohio.

Naidaton ti Templo ti Kirtland (kitaen iti DkK 109).

Nagparang ni Jesucristo kada Joseph Smith ken Oliver Cowdery iti Templo ti Kirtland. Nagparang da Moises, Elias, ken Propeta Elias ket intalekda dagiti tulbek ti kinasaserdote (kitaen iti DkK 110).

Simmangpet ni Heber C. Kimball ken ti innem a dadduma pay iti Liverpool, Inglatera, iti umuna a mision ti Simbaan iti ballasiw taaw.

Nadakamat ti nagan ti Simbaan babaen ti paltiing (kitaen iti DkK 115:4).

Naibalud ni Propeta Joseph Smith ken dadduma pay iti Pagbaludan ti Liberty, Clay County, Missouri (kitaen iti DkK 121–123).

Ti panagbuniag para kadagiti natay ket impakaammo iti publiko ni Propeta Joseph Smith.

Indaton ni Elder Orson Hyde ti Nasantuan a Daga para iti isusubli dagiti annak ni Abraham (kitaen iti DkK 68:1–3; 124:128–129).

Nabukel ti Gimong ti Kaasi dagiti babbai, Nauvoo, Illinois.

Naited dagiti umuna a naan-anay a talugading iti templo.

Napapatay da Joseph Smith ken Hyrum Smith iti Pagbaludan ti Carthage (kitaen iti DkK 135).

Rinugian a binallasiw dagiti Santo iti Nauvoo ti Karayan Mississippi tapno agpalaud. Sumagmamano a Santo a taga-daya ti naglayag manipud iti Siudad ti Nueva York a nagturong iti California a luganda ti bapor a Brooklyn.

Naguummong ti Batalion ti Mormon iti serbisio ti E.U. iti Iowa.

Pimmanaw manipud iti Winter Quarters ti bunggoy dagiti nagkauna a kameng ni President Brigham Young tapno agdaliasat nga agpalaud (kitaen iti DkK 136).

Simrek ni President Brigham Young iti Tanap ti Salt Lake.

Nakanunongan iti komperensia ti Simbaan da President Brigham Young, Elder Heber C. Kimball, ken Elder Willard Richards a kas Umuna a Panguluen.

Dinadael dagiti kuriat dagiti mula iti Tanap ti Salt Lake. Naisalakan dagiti talon iti naan-anay a pannakadadael idi linamut dagiti inarban a seagulls (tumatayab iti baybay) dagiti kuriat.

Binukel ni Richard Ballantyne ti Pagadalan ti Domingo.

Nairugi a naipablaak ti Deseret News iti Salt Lake City.

Naitantan ti panagdaliasat dagiti bunggoy da Willie ken Martin nga agguyguyod iti karison gapu kadagiti nasapa a bagyo. Nasarakan ida ti bunggoy dagiti immarayat manipud iti Tanap ti Salt Lake.

Nabukel manen ti Gimong ti Kaasi babaen ti panangiturong ni President Brigham Young.

Nabukel ti Young Ladies’ Retrenchment Association (Timpuyog dagiti Babbalasang iti Panagkissay), ti parayuna a programa iti Agtutubo a Babbai.

Nabukel ti Young Men’s Mutual Improvement Association (Timpuyog dagiti Agtutubo a Lallaki iti Panangpadur-as iti Sinnaranay), ti parayuna a programa iti Agtutubo a Lallaki.

Naidaton ti Templo ti St. George. Immawat ni President Brigham Young iti paltiing a mangurnos iti organisasion ti kinasaserdote ken dagiti istaka ti Zion.

Inangay ni Aurelia Spencer Rogers ti umuna a miting ti Primaria iti Farmington, Utah.

Nakanunongan ni John Taylor a kas Presidente ti Simbaan. Naawat ti Perlas a Kapatgan a kas maysa a libro ti nasantuan a kasuratan.

Naipaltiing ken ni President John Taylor ti maipapan iti pannakabukel dagiti Pitupulo.

Nakanunongan ni Wilford Woodruff a kas Presidente ti Simbaan.

Nakanunongan ti “Manifesto” iti sapasap a komperensia, a nakaiwaragawagan ti pannakaisardeng ti panagasawa iti adu (kitaen iti OP—1).

Indaton ni President Wilford Woodruff ti Templo ti Salt Lake, a naipatakder iti uneg ti 40 a tawen.

Nagbalin a Presidente ti Simbaan ni Lorenzo Snow.

Immawat ni President Lorenzo Snow iti paltiing iti St. George a nangguyugoy kenkuana a mangyunay-unay iti apagkapullo (kitaen iti DkK 119).

Nagbalin a Presidente ti Simbaan ni Joseph F. Smith.

Inawat ni President Joseph F. Smith ti parmata maipapan iti pannakasubbot dagiti natay (kitaen iti DkK 138).

Nagbalin a Presidente ti Simbaan ni Heber J. Grant.

Naipasdek ti Programa ti Simbaan iti Seguridad tapno matulongan dagiti nakurapay iti panawen ti Dakkel a Panagrigat; nagbalin a programa ti Simbaan iti pagimbagan. Dimmur-as daytoy a programa gapu iti maysa a paltiing nga inawat idi damona ni President Heber J. Grant.

Immuna a naawagan dagiti katulongan ti Sangapulo-ket-dua.

Nagbalin a Presidente ti Simbaan ni George Albert Smith.

Nakanunongan ni David O. McKay a kas Presidente ti Simbaan.

Impakaammo ni Elder Harold B. Lee, babaen ti panangiturong ti Umuna a Panguluen, a nasken a mapagtutunos dagiti amin a programa ti Simbaan babaen ti kinasaserdote tapno mapapigsa ti kaamaan ken ti tunggal tao.

Nayunay-unay manen ti panangangay iti sardam ti kaamaan iti pagtaengan.

Nagbalin a Presidente ti Simbaan ni Joseph Fielding Smith.

Nairugi ti pannakaipablaak dagiti baro a magasin ti Simbaan—ti Ensign, New Era, ken ti Friend.

Nagbalin a Presidente ti Simbaan ni Harold B. Lee.

Nagbalin a Presidente ti Simbaan ni Spencer W. Kimball.

Impakaammo ni President Spencer W. Kimball ti pannakabukel manen ti Umuna a Korum ti Pitupulo.

Nainayon ti dua a paltiing iti Perlas a Kapatgan. Idi 1981, nayakar dagitoy tapno agbalin a DkK 137 ken 138.

Kinanunongan ti Simbaan ti paltiing a mangted iti kinasaserdote iti tunggal maikari a kameng a lalaki ania man ti puli wenno marisna (kitaen iti OP—2).

Naipablaak ti edision a SUA ti Biblia a King James nga addaan kadagiti katulongan iti panagadal.

Naipablaak iti Ingles dagiti baro nga edision ti Libro ni Mormon, Doktrina ken Katulagan, Perlas a Kapatgan.

Nairugi dagiti Panguluen ti Lugar a Masakupan, nga addaan kadagiti kameng a naawagan manipud kadagiti Pitupulo.

Nagbalin a Presidente ti Simbaan ni Ezra Taft Benson.

Nabukel manen ti Maikadua a Korum ti Pitupulo.

Nagbalin a Presidente ti Simbaan ni Howard W. Hunter.

Nagbalin a Presidente ti Simbaan ni Gordon B. Hinckley.

Naisardeng ti saad ti pannakabagi ti rehion. Naipakaammo ti baro a saad ti panangidaulo a naam-ammo a kas Agrebbeng iti Lugar a Masakupan.

Naipablaak ti “Ti Kaamaan: Maysa a Waragawag iti Lubong” manipud iti Umuna a Panguluen ken Konseho dagiti Sangapulo-ket-dua nga Apostol.

Maordenan a Pitupulo dagiti Agrebbeng iti Lugar a Masakupan. Naipakaammo dagiti Maikatlo, Maikapat, ken Maikalima a Korum ti Pitupulo.

Impakaammo ni President Hinckley ti pannakabangon dagiti babassit a templo.

Immabot iti 10 a milion ti bilang dagiti kameng ti Simbaan.

Impakaammo ni President Hinckley ti panggep a tun-oyen a maaddaan iti 100 a templo nga agserbi iti tawen 2000.