13. Balay a Mansion iti Nauvoo

Immakar ni Joseph Smith ken ti kaamaanna iti Balay a Mansion iti Nauvoo idi Agosto 1843. Idi agangay, nainayon ti kasilpo ti pasdek iti akindaya a paset ti kangrunaan nga istruktura iti kadagupan ti 22 a siled. Nangrugi idi Enero 1844, tinarawidwidan ni Ebenezer Robinson ti balay a kas maysa a hotel, ket pinagtalinaed ti Propeta ti 6 kadagiti siled para iti kaamaanna. Nagserbi ti balay a kasla sentro ti pagraragupan ti gimong ti Nauvoo. Inawat ti Propeta dagiti napapateg ken madaydayaw a dadaulo ditoy.

Dagiti Napapateg a Pasamak: Idi maika-27 ti Hunio 1844, napaltogan ken napapatay ni Propeta Joseph ken ti kabsatna a ni Hyrum iti Carthage, Illinois, ken naipan dagiti bangkayda iti daytoy a balay tapno maimassayag sakbay a maipumpon. Naitanemda iti bassit a kamposanto ti kaamaan iti ballasiw laeng ti Main Street, lauden ti daan a kayo a balay a nagindegan ni Joseph idi damo nga immay iti Nauvoo. Nagindeg ni Emma Smith iti Balay a Mansion agingga idi 1871. Kalpasanna immakar iti Balay ti Nauvoo, a pimmusayanna idi 1879.