9. Templo ti Kirtland

Masarakan ti Templo ti Kirtland iti Kirtland, Ohio.

Dagiti Napapateg a Pasamak: Ti Templo ti Kirtland ti kaunaan a templo a nabangon iti daytoy a dispensasion (DkK 88:119; 95). Iti daytoy a templo, nakita ni Joseph Smith ti parmata maipapan iti celestial a pagarian (DkK 137). Naidaton daytoy idi maika-27 ti Marso 1836 (DkK 109). Idi maika-3 ti Abril 1836, nagparang ti Mangisalakan ket inawatna ti templo a kas lugar a pangipalgakanna iti balikasna kadagiti taona (DkK 110:1–10). Kalpasan daytoy a panagparang, nakaawat da Joseph Smith ken Oliver Cowdery iti isasarungkar manipud kada Moises, Elias, ken Propeta Elias, a nangted amin kadakuada kadagiti tulbek ti kinasaserdote ken napateg a pakaammo (DkK 110:11–16). Nagserbi daytoy a templo kadagiti Santo iti agarup a dua a tawen sakbay a panawanda ti Kirtland gapu iti pannakaidadanes.