13. Na Vale Levu e Nauvu

Eratou a toki ki na Vale Levu e Nauvu ena Okosita 1843 ko Josefa Simici Lailai kei na nona matavuvale. E muri a qai semati ena dua tale na vale, na yasa ni vale ki na tokalau me 22 taucoko kina na kena rumu. Me tekivu ena Janueri ni 1844, sa cicivaka kina na otela ko Epenesa Robinisoni, ka taura e ono na rumu na Parofita me baleta na nona matavuvale. Sa dau vakayagataki na vale me vanua ni veilasamaki vei ira na vakaitikotiko e Nauvu. Sa dau ciqomi ira na vakaitutu lelevu eke na Parofita.

Na Ka e Yaco: Ena i ka 27 ni June 1844, erau a lauvana mate kina na Parofita ko Josefa kei na tuakana ko Airame e Kaceji, Ilinoi, e qai kau mai na yagodrau ki na vale oqo me mai davo kina me baleta na iotioti ni kena laurai ni bera ni laki bulu. Erau qai bulu ena dua na ibulubulu lailai ni matavuvale veibasai kei na Main Street, ena ra ni vale tolonikau makawa ka a vakaitikotiko kina ko Josefa ni se qai lako mai vakadua ki Nauvu. A vakaitikotiko ko Ema Simici ena Vale Levu me yacova na 1871. E qai toki yani ki na Vale ni Nauvu, na vanua e qai laki mate kina ena 1879.