2. Delana ko Kumora kei na iWasewase ko Palamaira Menijesita

Rai vaka ki na vualiku, e vakaraitaki ena iyaloyalo oqo na Delana ko Kumora e Menijesita, Niu Ioka. E laurai na delana ena tutu imatau e ra ni yaloyalo ka cici sivia vakalailai na veimama ni delana e cake. Na ivakananumi vulavula ka laurai toka ena mua ni delana ki na vualiku e ivakananumi ni agilosi ko Moronai kei na kena yaco mai na iVola i Momani. Na Delana ko Kumora e koto rauta ni 5 na kilomita ena ceva-i-cake ni Veikau Tabu. Na koro ko Palamaira e koto voleka ki na mua ni iyaloyalo ki cake, rauta ni 6½ na kilomita na kena yawa. Na nodratou iteitei na Simici kei na Veikau Tabu erau koto ena yasa i cake ni iyaloyalo ki na imawi.

Na Ka e Yaco: Eratou a vakaitikotiko ena vanua oqo na nona matavuvale na Parofita ko Josefa Simici ena gauna ni iMatai ni Raivotu (JS—AT 1:3). Ena 421 S.K., a buluta kina ko Moronai e dua na ibinibini peleti koula ena Delana ko Kumora ka tu kina na itukutuku makawa tabu me baleti ira na nona tamata (V i M 1:1–11; Moma. 6:6; Moro. 10:1–2). Ko Moronai vata ga oqo a qai tukuna vei Josefa Simici na vanua me kunea kina na peleti e delana. A solia vua ko Moronai ena 1827 (V&V 27:5; 128:20; JS—AT 1:33–35, 51–54, 59).