11. Vanua ena tara kina na Valetabu e Fa Wesi

Na itikotiko e Fa Wesi, Misuri, sa yaco me nodra itikotiko e 3,000 ki na 5,000 na Yalododonu ka ra a dro tani mai na veivakacacani ena yasayasa vaka-Jekesoni kei Kilei. Ena 1838 a vakaroti ira na Yalododonu na Turaga me ra tara eke e dua na valetabu (raica na V&V 115:7–8). A mani sega ni rawa ni yaco vakakina ena nodra veivakacacani na dauvakacaca. Ena i ka 31 ni Okotova ni yabaki oya, era a tauri vakavesu kina na Parofita ko Josefa Simici kei ira na iliuliu ni Lotu tale eso, ia ni oti e dua na veilewai mai Rijimodi, eratou a qai bala ki na Valeniveivesu mai Lipati. Ena vulaibatabata mai na 1838–1839, era a vakasevi na Yalododonu Edaidai mai Fa Wesi kei na veivanua tale eso e Misuri ka ra laki tawavanua e Ilinoi.

Na Ka e Yaco: A vakatabui e dua na vanua me tara kina na valetabu ka vakotori sara na kena vatunitutu. A ciqomi kina e vitu na ivakatakila ka volai ena Vunau kei na Veiyalayalati (wase 113–115; 117–120). A sucu mai Fa Wesi ena i ka 13 ni Noveba 1838, ko Josefa F. Simici, na ikaono ni Peresitedi ni Lotu. A tiko vakalekaleka mai Fa Wesi na itikotiko liu ni Lotu ena gauna nei Parofita Josefa Simici.