8. Nodratou Vale na Joni Jonesoni

Na nodrau vale ko Joni kei Alisi Jonesoni a tu mai Airame, Oaio. Na rumu oqo e tiko ena ikarua ni itabavale.

Na Ka e Yaco: Erau a tiko ena vale oqo na Parofita ko Josefa Simici kei na watina, ko Ema. Erau a ciqoma kina ko Josefa kei Sidini Rikitoni na raivotu vakasakiti ni ivakatagedegede ni lagilagi ni ra rai tu e lewe vica tale ena ika 16 ni Feperueri 1832 (V&V 76). A cakacaka talega na Parofita ko Josefa ena vale oqo ena iVakadewa nei Josefa Simici ni iVolatabu (VJS). Ena bogi ni ika 24 ni Maji 1832 ni rau vakaitikotiko eke ko Josefa kei Ema, era a mokulaki rau sara kina vakaca ko Josefa kei Sidini ka boro kulutataki rau talega eso na ilawalawa vukitani dauvakacaca ka veisaqasaqa kei na vakabauta vaka-Momani.