13. Nimla Ochoch sa’ Nauvoo

Laj Jose Smith, alalb’ej, ut lix junkab’al ke’ok chi wank sa’ li Nimla Ochoch sa’ Nauvoo sa’ Agosto 1843. Moqon, kitiqman jun ru’uj li ochoch sa’ li junpak’al sa’ rokeb’ saq’e, ut 22 li warib’aal ke’kana. Chirix Enero, 1844, laj Ebenezer Robinson kixb’eresi li ochoch choq’ to’ninb’il ochochnal, ut li Profeet kikana sa’ waqib’eb’ li warib’aal rochb’een lix junkab’al. Kik’anjelak li ochoch choq’ jun ch’utleb’aal na’ajej choq’ reheb’ laj Nauvoo. Ke’k’ule’ li xninqal ru winq arin xb’aan li Profeet.

K’a’ru kik’ulman: Sa’ 27 Junio 1844, li Profeet aj Jose ut laj Hyrum li ras ke’kute’ ut ke’kamsiik sa’ Carthage, Illinois, ut ke’k’ame’ lix tz’ejwaleb’ li kamenaq toj sa’ li ochoch a’in re te’ile’q rub’elaj li muquk. Wankeb’ chi muqmu sa’ jun ch’ina muqleb’aal re lix junkab’aleb’, chi junpak’al li B’e Main, nach’ sa’ rokeb’aal li saq’e rik’in li ochoch re yok’b’il toon che’ kiwan wi’ chaq laj Jose naq kiwulak Nauvoo xb’een wa. Li xEmma Smith kiwan rochoch sa’ li Nimla Ochoch toj reetal 1871. Chirix a’an kiq’axon sa’ li Ochoch re Nauvoo, b’ar wi’ kikam sa’ 1879.