10. Adan-ondi-Ahman

Yoo chi ilok sa’ xtz’e li saq’e chiru li ru taq’a Adan-ondi-Ahman, jun li chaq’al ru ut ch’anch’ookil ru taq’a li wan sa’ li ch’och’ Missouri sa’ xnim ut sa’ rokeb’aal li saq’e, moko najt ta rik’in li tenamit Gallatin.

K’a’ru kik’ulman: Oxib’ chihab’ rub’elaj xkamik, laj Adan kixb’oqeb’ li ralal xk’ajol li tiikeb’ xch’ool sa’ li ru taq’a a’in ut kixk’ojob’ sa’ xb’eeneb’ lix raqikil rosob’tesihom (Tz. ut S. 107:53–56). Sa’ 1838, ak xe’xk’uub’ rochoch sa’ Adan-ondi-Ahman maare 500 malaj 1,000 chi Santil aj Paab’anel sa’ Roso’jikeb’ li Kutan. Eb’ laj santil paab’anel ke’xkanab’ li na’ajej a’in naq ke’mine’ ru chi elk chaq Missouri. Rub’elaj li xkab’ xk’ulunik li Kristo rik’in loq’alil, laj Adan ut eb’ li ralal xk’ajol li tiikeb’ xch’ool, a’aneb’ laj santil paab’anel re chixjunileb’ li jar k’ojlajik, te’ch’utlaaq jun sut chik sa’ li ru taq’a a’in re xch’utub’ankil rib’ rik’in li Kolonel (Dan. 7:9–10, 13–14; Tz. ut S. 27; 107:53–57; 116).