18. Santil ochoch re Lago Salado

Li Santil ochoch re Lago Salado, ilb’il chalen sa’ xnim ut sa’ rokeb’aal li saq’e. Ka’ch’in xk’ihal li kutan chirix naq li xb’een teep aj tehol b’e reheb’ laj Santil Paab’anel sa’ Roso’jikeb’ li Kutan ke’ok sa’ li ru taq’a re Lago Salado, li Awa’b’ej Brigham Young kixlap li ch’och’ rik’in lix xuq’ ut kixye: “Arin taqakab’la lix santil ochoch li qaDios.” Kitikla xb’ekb’al li ch’och’ sa’ 14 Febrero 1853. Sa’ 6 Abril 1853, kik’ojob’aman lix pekaleb’ li xuk. Kichoyman ut ki’osob’tesiman li santil ochoch ka’k’aal chihab’ chik chirix a’an sa’ 6 Abril 1893. Li Xb’eenil Awa’b’ejil ut lix Molameb’ li Kab’laju chi Apostol neke’ch’utla arin rajlal xamaan re xk’uub’ankil xna’leb’eb’ ut re xsik’b’al lix na’leb’ li Qaawa’ sa’ xjolominkil ut xwaklesinkil lix awa’b’ejihom li Dios.

K’a’ru kik’ulman: Li Qaawa’ kixk’e sa’ xb’eeneb’ li Awa’b’ej re li Iglees ut xkomoneb’ chik li jolomil aj b’eresinel jun xhoyonik li musiq’ej re k’utb’esink arin, sa’ li kiwan wi’ li Awa’b’ejil Yehom 2. Moqon chik chirix a’an, li Xb’eenil Awa’b’ejil ut lix Ch’utameb’ li Kab’laju chi Apostol ke’xk’ulub’a sa’ junajil ut ke’xpuktesi “Li Junkab’al: Jun Jek’inb’il Aatin choq’ re li Ruchich’och’.” Rik’in li k’ojob’anb’il k’anjel re li santil ochoch choq’ reheb’ li yo’yo jo’ ajwi’ eb’ li kamenaq, ke’osob’tesiik xyu’ameb’ k’iila mil chi mil.