14. Li k’ayib’aal re kaqi xan re laj Jose Smith, alalb’ej

A’in lix k’ayib’aal ut lix k’anjeleb’aal laj Jose Smith, alalb’ej, chi kab’lanb’il xkab’ sutil, li natawman sa’ Nauvoo, Illinois. A’an jun reheb’ li kab’l q’axal xnimal ru re li Iglees chiru li kutan ke’wan wi’ Nauvoo. Kik’anjelak jo’ k’ayib’aal, a’ut jo’kan ajwi’ ki’ux aran naab’al li ch’utlaak, li b’eresink tumin, li jolomink tenamit, ut li k’anjel re paab’aal. Laj Jose Smith kiwan jun xk’anjeleb’aal sa’ li xkab’ k’ojaril.

K’a’ru kik’ulman: Rub’elaj naq kichoyman li santil ochoch, li xkab’ k’ojaril re li k’ayib’aal kik’anjelak choq’ xna’aj li k’ojob’anb’il k’anjel, ut aran ke’k’ehe’ xb’een wa chi tz’aqal li k’anjel re tiqib’aak. Sa’ 17 Marzo, 1842, laj Jose Smith kixk’uub’eb’ li ixq re li Iglees sa’ li Komonil re Tenq’ank.