LSS, 1 Tīmote 3:15–16. Fakafehoanaki mo e 1 Tīmote 3:15–16
ʻOku langa ʻa e Siasí ʻi he ʻelitoʻi tefitoʻi moʻoni naʻe hoko ʻa Sīsū ʻo matelie, akoʻi e ongoongoleleí, pea toe foki ki Heʻene Tamaí. Fakamatala: ʻOku fakamamafaʻi ʻe he liliu siʻi ʻi he ngaahi veesi ko ení ko e “pou mo e tuʻunga ʻo e moʻoní” ʻa Sīsū Kalaisi.
15 Ka ʻo kapau te u tatali ʻo fuoloa, ke ke ʻiloʻi ai ʻa ia ʻoku totonu ke ke fai ʻi he fale ʻo e ʻOtuá, ʻa ia ko e siasi ʻo e ʻOtua moʻuí.
16 Ko e pou mo e tuʻunga ʻo e moʻoní ʻa e ʻOtuá (pea ʻoku ʻikai ha tālaʻa, ʻoku maʻongoʻonga e meʻa lilo ʻo e anga faka-ʻOtuá), naʻe hāsino ʻa e ʻOtuá ʻi he kakanó, fakatonuhiaʻi ʻi he Laumālié, mātā ʻe he kau ʻāngeló, malanga ki he kau Senitailé, tui kiate ia ʻi māmani, pea maʻu hake ki he nāunaú.