BJS, Esode 4:21. Meka na Esode 4:21; 7:3, 13; 9:12; 10:1, 20, 27; 11:10; 14:4, 8, 17; Dutelonome 2:30
Nkolo azali moyanoli te mpo na motema makasi ya Falo. Tala lisusu BJS, Esode 7:3, 13; 9:12; 10:1, 20, 27; 11:10; 14:4, 8, 17; litangi na litangi, soki ebongolomaki malamu, elakisi ete Falo ayeisaki motema na ye moko makasi.
21 Mpe Nkolo alobaki epayi ya Mose, Ntango okokende kozonga na Ejipito, sala angele ete osala makamwisi nyonso wana, oyo nasili kotia na loboko na yo, liboso ya Falo, mpe nakofulukisa yo; kasi Falo akoyeisa motema na ye makasi, mpe akotika bato bakende te.
BJS, Esode 4:24–27. Meka na Esode 4:24–27
Ntango Nkolo aluki koboma Mose mpo na bokati te ngenga ya mwana na ye ya mobali, Sipola abikisi bomoi na ye na kosalaka likuli ye moko. Mose atubeli lisumu na ye.
24 Mpe esalemaki, ete Nkolo amonisamaki epayi na ye lokola azalaki na nzela, na esika ya kolala. Nkolo asilikelaki Mose, mpe loboko na ye ezali pene ya kokitela ye, mpo na koboma ye; mpo ete akataki ngenga ya mwana na ye ya mobali te.
25 Nsima Sipola azwaki libanga ya songe mpe akataki ngenga ya mwana na ye ya mobali, mpe abwaki libanga na makolo na ye, mpe alobaki, ya Solo yo ozali mobali ya makila epayi na ngai.
26 Mpe Nkolo abikisaki Mose mpe atiaki ye akende, mpo ete Sipola, mwasi na ye, akataki ngenga ya mwana. Mpe alobaki, Yo ozali mobali ya makila. Mpe Mose ayokaki soni, mpe abombaki elongi na ye epayi ya Nkolo, mpe alobaki, asumukaki liboso ya Nkolo.
27 Mpe Nkolo alobaki epayi ya Alona, Kende na esobe ekutana na Mose, mpe akendaki mpe akutanaki na ye, na ngomba ya Nzambe; na ngomba esika oyo Nzambe amonisamaki epayi na ye; mpe Alona ayambaki ye.