9 Im rekar ba n̄an e, Jutakļo̧k ijeņ. Im rekar illu ippān.

10 Im raar ba ilubwiljier make, Ļein eaar itok n̄an pād ilubwiljid, im enaaj kiiō kōm̧m̧an bwe e en juon riekajet; kiiō jenaaj kōm̧m̧an ekanooj nana n̄an e jān ippāer.

11 Kōn menin rekar ba n̄an ļeo, Kōm naaj bōk em̧m̧aan ro, im kōrā ro nejūm̧ barāinwōt; im kōm naaj kōm̧m̧an n̄an er āinwōt am lo ke em̧m̧an n̄an kōm.

12 Kiiō men in eaar ilo̧kan nana eo an Sodom.

13 Im Lot eaar ba, Lo kiiō, ewōr ruo nejū kōrā ro rejjan̄in jeļā em̧m̧aan; kōtļo̧k eō, ij kajjitōk ippemi, akweļap ippemi ro jeiū im jatū bwe in jab bōk nabōjtak er n̄an kom̧; im kom̧in jab naaj kōm̧m̧an n̄an er āinwōt ami lo em̧m̧an ilo mājāmi;

14 Bwe Anij eban rie eo karejeran ilo men in; kōn menin, kōtļo̧k eō bwe in akweļap ippemi ro jeiū im jatū, alen in wōt, bwe n̄an ļōm̧arein kom̧in jab kōm̧m̧an jabdewōt, bwe ren maron̄ lo aenōm̧m̧an ilo m̧weo im̧ō; bwe kōn menin rej itok ium̧win aelellor in bōrwaj eo aō.

15 Im rekar illu ippān Lot im rekar n̄anin itōn rupe kōjām eo, a enjeļ ro an Anij, ro rekar em̧m̧aan ro rekwōjarjar, rekar erļo̧ke peier im kanōktok Lot n̄an ilowaan m̧weo n̄an ippāer, im kili kōjām eo.