1 ʻE hoku kāinga, ʻe ʻikai te mou maʻu ʻa e tui ʻa hotau ʻEiki ko Sīsū Kalaisí, ʻa ia ko e ʻEiki ʻo e nāunaú, ka mou filifilimānako ki he kakaí.

14 Ko e hā hano ʻaonga eni, ʻe hoku kāinga, ki ha tangata ke ne pehē ʻokú ne maʻu ʻa e tuí, kae ʻikai ha ngāue? ʻe lava nai ʻe he tuí ʻo fakamoʻui ia?

15 ʻIo, ʻe lava ke pehē ʻe he tangatá, te u fakahā atu kiate koe ʻeku tuí taʻe ha ngāue; ka ʻoku ou pehē, Fakahā mai hoʻo tui taʻe ha ngāué, pea te u fakahā atu ʻeku tuí ʻaki ʻeku ngaahi ngāué.

16 He ʻo kapau ʻe telefua ha tokoua pe tuofefine mo tukuhausia, pea pehē ʻe ha taha ʻo kimoutolu, ʻAlu ʻi he fiemāle, pea ke māfana mo mākona; kae ʻikai ke ne foaki ʻa e ngaahi meʻa ʻa ia ʻoku fie maʻu ʻe he sinó; ko e hā hano ʻaonga ʻo hoʻo tuí ki ha meʻa pehē?

17 ʻOku pehē foki ʻa e tuí, kapau ʻoku ʻikai ʻi ai ʻa e ngaahi ngāué ʻoku mate ia, ʻiate ia ʻataʻatā pē.

18 Ko ia te mou lava ke ʻilo, ʻE tangata taʻeʻaonga, ko e tui taʻe ha ngāué ʻoku mate pea he ʻikai ke ne lava ʻo fakamoʻui koe?

19 ʻOkú ke tui ʻoku ʻi ai ha ʻOtua pē taha; ko hoʻo fai leleí ia; ʻoku tui foki mo e ʻa e kau tēvoló, pea nau tetetete; kuó ke ngaohi koe ke hangē ko kinautolú, ʻo ʻikai fakatonuhiaʻi.

20 ʻIkai naʻe fakatonuhiaʻi ʻetau tamai ko ʻĒpalahamé ʻe he ngaahi ngāué, ʻi heʻene ʻohake ʻa ʻAisake ko hono fohá ki he funga ʻesi feilaulaú?

21 ʻOkú ke mamata ki he founga naʻe ʻomi ai ʻe he ngaahi ngāué ʻene tuí, pea ʻi he ngāué ne fakahaohaoaʻi ai ʻa e tuí?