3 Be taem oli lukluk i go, oli luk se sam man oli bin rolemaot ston ia, (from ston ia i bigwan tumas), mo tufala enjel i stap sidaon long hem, tufala i werem ol longfala waet klos; mo ol woman ia oli bin fraet.

4 Be tufala enjel i talem long olgeta: “Yufala i no fraet; yufala i stap lukaotem Jisas blong Nasaret, we oli bin nilim hem long kros; hem i girap i laef bakegen; hem i no stap long ples ia; luk, hemia ples we oli putum hem i silip long hem;

5 Mo, yufala i go, yufala i talemaot long ol disaepol blong hem mo long Pita se hem i stap go fastaem long yufala long Galili; bambae yufala i luk hem long ples ia olsem we hem i bin talem long yufala.”

6 Mo olgeta woman ia, taem oli go insaed long gref insaed long hol blong ston, oli bin luk ples we oli mekem Jisas i silip long hem.