JST, Mak 8:37–38. Komperem long Mak 8:35
Huia i glad blong ded from nem blong Jisas, bae Jisas i sevem hem.
37 From huia we bae i sevem laef blong hem, bambae hem i lusum laef ia; o huia we bambae i sevem laef blong hem, bae i glad blong lusum laef blong hem from nem blong mi; mo sapos hem i no glad blong lusum laef blong hem from nem blong mi, bambae hem i lusum laef blong hem samtaem.
38 Be huia i glad nomo blong lusum laef blong hem from nem blong mi, mo from gospel, hem ia, bambae mi sevem hem.
JST, Mak 8:42–43. Komperem long Mak 8:38
Olgeta pipol we oli sem long Kraes, oli no gat ples long taem blong fasfala laef bakegen long ded; be olgeta we oli glad blong save ded from Kraes, bambae oli kam wetem Hem long glori blong hem.”
42 Mo bambae oli no gat ples long laef bakegen long ded ia, long tetaem ia we bambae hem i kam.
43 I tru, mi talem long yufala, se bambae Hem i kam; mo hem we bae i givim laef blong hem from nem blong mi, mo from gospel, bambae hem i kam wetem Kraes, mo bae glori blong Kraes i kavremap hem long klaod ia, long raet saed han blong Pikinini blong man.