21 Nao samfala man oli kam, oli poenem fingga long hem, oli talem se: “?From wanem yu stap akseptem ol man we oli mekem sin, we yu yu Pikinini blong God?”

22 Be hem i ansa long olgeta mo talem: “i tru, mi talem long yufala, Evri sin we man i mekem, taem oli sakem olgeta ol sin ia, bae mi mi fogivim olgeta; from mi kam blong prijim fasin blong sakem sin long ol boe blong ol man.

23 Mo ol fasin blong tok nogud agensem God, eni kaen fasin blong tok nogud agensem God, bae mi fogivim olgeta we oli kam long mi, mo oli stap mekem ol wok we oli luk we mi stap mekem.

24 Be i gat wan sin we bambae mi no fogivim. Hem we i stap tok nogud agensem Tabu Spirit, bae i neva kasem fogivnes; be bae hem i stap long denja blong mi katemaot hem i aot long wol. Mo bae oli no save kam antap samtaem blong taem we i no save finis.”

25 Mo samting ia, hem i talemaot long olgeta from oli talem se “Hem i gat wan spirit we i no klin.”