22 Mo taem we oli bin stap kakae, Jisas i bin tekem bred mo i bin brekem bred, mo i blesem bred, mo i bin givim long ol disaepol blong hem, mo i talem: “Yufala i tekem, yufala i kakae; hemia i blong tingbaot bodi blong mi we mi bin givim blong pem praes from yufala.

24 Mo hemia i blong tingbaot blad blong mi, blad blong niu testeman, we i ron from evri man we bae i biliv long nem blong mi, blong oli kam klin aot long ol sin blong olgeta.

25 Mo mi givim wan komanmen long yufala, se bambae yufala i mas lukluk blong mekem olgeta samting ia we yufala i bin luk mi mekem, mo testifae abaot mi i go kasem en.”