3 Afta, taem Judas, we i bin salem Jisas, i luk se oli jajem Jisas finis blong i mas ded, nao hem i sakem sin blong hem, mo i givimbak ol teti koen blong silva i go long ol jif pris mo ol elda,

4 Mo i talem: “Mi mekem sin ia we mi salem blad blong man we i no gat sin i go long han blong yufala.”

5 Be olgeta i bin talem long hem: “!Hemia i no bisnis blong mifala! I bisnis blong yu; ol sin blong yu oli stap long yu nomo.”

6 Mo Judas i sakemdaon ol koen blong silva insaed long tempol, mo i go aotsaed, mo i go, i go hangem hem long wan rop we hem i fasem antap long wan tri. Mo wantaem nomo, hem i foldaon i kam daon, mo kat blong hem i kamaot long bel blong hem, mo hem i ded.