HJS, AmaHubo 11:1–5. Qhathanisa namaHubo 11:1–5
Ezinsukwini zokugcina abalungileyo bayobalekela entabeni yeNkosi. Kuyothi uma iNkosi isiza, iyobabhubhisa ababi ibasindise abalungileyo.
1 Ngalolo suku uyoza, O Nkosi; futhi ngizobeka ithemba lami kuwe. Uyothi kubantu bakho, ngokuba indlebe yami ilizwile izwi lakho; uyothi kuwo wonke umuntu, “Balekela entabeni yami;” abalungileyo bayobe sebebaleka njenge nyoni ededelwe esicuphweni somcuphi wezinyoni.
2 Ngokuba ababi bayawunsala umnsalo wabo; bheka, babeka imicibisholo yabo entanjeni, ukuba bacibishele ebumnyameni abaqotho ngezinhliziyo, ukuze bashabalalise isisekelo sabo.
3 Kodwa izisekelo zababi ziyoshatshalaliswa, futhi bazokwenzenjani?
4 Ngokuba iNkosi, uma isiza ethempelini layo elingcwele, ihlezi esihlalweni sobukhosi sikaNkulunkulu ezulwini, amehlo ayo ayobahlaba ababi.
5 Bheka izinkophe zakhe ziyobahlola abantwana babantu, futhi uyobasindisa abalungileyo, bayohlolwa. INkosi iyamthanda olungileyo, kodwa omubi, nalowo othanda ubudlwangudlwangu, lowo muntu iyamzonda.