7 Leftemap hed blong yufala, O yufala ol jeneresen blong Jekob; mo yufala i nomo sem be yufala i stap glad; mo Lod we i strong mo i gat olgeta paoa; Lod we i gat olgeta paoa long faet, we i king blong glori, bae i stanemap yufala blong oltaem.

8 Mo bambae hem i rolemap ol heven oli go; mo bambae hem i kam daon blong pemaot ol pipol blong hem; blong mekem mo givim yufala wan nem we i no save finis; blong stanemap yufala antap long strong ston ia we i stap oltaem.

9 Leftemap hed blong yufala, O yufala ol jeneresen blong Jekob; leftemap hed blong yufala, yufala ol jeneresen we i no gat en, mo Lod blong ol pipol, king blong ol king,

10 we i king blong glori, bambae i kam long yufala; mo bambae i pemaot ol pipol blong hem, mo bambae i putum olgeta i stap long stret mo gud fasin. Sela.