1 Revelesōn eo an Jon, juon karejeran Anij, eo kar leļo̧k n̄an e jān Jisōs Kraist, n̄an kwaļo̧k n̄an ro karejeran men ko reaikuj jejjet kūtier ej jab etto, bwe Eaar jilkinļo̧k im kōjjeļā kake jān enjeļ eo An n̄an eo karejeran Jon,

2 Eo eaar jeje kam̧ool kōn naan eo an Anij, im kōn naan in kam̧ool eo an Jisōs Kraist, im kōn aolep men ko otemjeļo̧k eaar loi.

3 Em̧ōņōņō ro rej kōnono jān bok, im ro rej ron̄jake im meļeļe naan ko an kanaan in, im kōjparok men ko me kar jeje ie, bwe iien itok eo an Irooj ej epaaktok.

4 Kiiō en̄in ej naan in kam̧ool eo an Jon n̄an jiljilimjuon rikarejeran ro rej ioon jiljilimjuon jarlepju in rijar ko ilo Esia. Jouj n̄an kom̧, im aenōm̧m̧an jān eo Ej kiiō, im eo Ej inne, im eo Ej itok; eo Eaar jilkinļo̧k enjeļ eo An jān im̧aan An tūroon, n̄an kam̧ool n̄an ro rej rikarejeran ro jiljilimjuon ioon jarlepju in rijar ko jiljilimjuon.

5 Kōn menin, n̄a, Jon, ri kam̧ool eo etiljōk, ij kam̧ool ilo jeje kōn men ko me kar būktok n̄an eō jān enjeļ eo, im jān Jisōs Kraist eo kar keotake m̧oktata jān ro remej, im Irooj in kiin̄ ro an laļ.

6 Im n̄an eo eaar iakwe kōj, en an aeboojoj; eo ar kwaļ kōj jān jero̧wiwi ko ad ilo bōtōktōkin make, im eaar kōm̧m̧an bwe jen kiin̄ ro im pris ro n̄an Anij, Jemān. N̄an E en ilo̧k aeboojoj im teln̄an, indeeo im indeeo. Amen.

7 Bwe lo, Ej itok ilo kodo̧ ko ippān jon̄oul to̧ujin ko in ro rekwōjarjar An ilo aelōn̄ in kiin̄ eo, lōtlōt kōn aeboojoj eo an Jemān. Im māj otem̧jeļo̧k naaj lo E, im ro rekar wākar e, im bwij otem̧jeļo̧k in laļ re naaj lim̧ō kōnke E. Em̧ool āindein, Amen.

8 Bwe E ej ba, N̄a Alpha im Omega, jinoin im jem̧ļo̧kin, Irooj, eo ej, im eo e kar, im eo e naaj itok, eo Ekajoor Bōtata.