¶ 1 KA nae ofa a Solomone ki he kau fefine toko lahi oe kakai kehe, fakataha moe ofefine o Felo, koe kau fefine mei Moabe, mo Amoni, mo Itomi, mo Saitoni, bea mo Heti;

2 Koe gaahi buleaga nae behe ai e Jihova ki he fānau a Isileli, E ikai te mou hu atu kiate kinautolu, bea e ikai te nau hu mai kiate kimoutolu: he koe mooni te nau liliu ho mou loto ke muimui ki ho nau gaahi otua: nae bikitai a Solomone kiate kinautolu ni i he mamana ki ai.

3 Bea naa ne ma‘u ae unoho e fitugeau nae eiki lahi, bea moe jinifu e toko tolugeau: bea nae fakatafoki hono loto e hono gaahi unoho.

4 He nae hoko o behe, i he ene fakaaau o motua a Solomone, nae fakatafoki a hono loto e hono gaahi unoho ke muimui ki he gaahi otua kehe: bea nae ikai haohaoa hono loto i he ao o Jihova ko hono Otua, o hage koe loto o Tevita ko ene tamai.

5 He nae muimui a Solomone ki he otua fefine oe kakai Saitoni ko Asiteloti, bea kia Milikomi koe mea fakalielia ae kakai Amoni.

6 Bea nae fai kovi a Solomone i he ao o Jihova, bea nae ikai muimui haohaoa ia kia Jihova, o hage ko Tevita ko ene tamai.

7 Bea nae laga ai e Solomone ha botu maoluga kia Kimosi, koe mea fakalielia a Moabe, i he mouga oku haga ki Jelusalema, bea ma a Moleki, koe mea fakalielia i he fānau a Amoni.

8 Bea naa ne fai behe foki ma a hono gaahi unoho mei he kakai kehe, aia nae tutu mea namu kakala mo fai feilaulau ki ho nau gaahi otua.

¶ 9 Bea nae houhau a Jihova kia Solomone, koeuhi nae fakatafoki a hono loto mei a Jihova koe Otua o Isileli, aia nae ha tuo ua mai kiate ia,

10 Mo ne tuku ae fekau kiate ia koeuhi koe mea ni, ke oua naa ne muimui ki he gaahi otua kehe: ka nae ikai fai eia ki he mea nae fekau e Jihova.

11 Koia nae behe ai e Jihova kia Solomone, Koeuhi kuo ke fai eni ekoe, bea kuo ikai te ke fai ki he eku fuakava mo eku gaahi tuutuuni aia kuou fekau kiate koe, koe mooni teu hae ae buleaga meiate koe, bea teu foaki ia ki hoo tamaioeiki.

12 Ka koeuhi ko hoo tamai ko Tevita e ikai teu fai ia i ho gaahi aho oou: ka teu hae atu ia mei he nima o ho foha.

13 Ka e ikai foki teu hae atu ae buleaga katoa; ka teu foaki ae faahiga e taha ki ho foha, koeuhi ko Tevita ko eku tamaioeiki, bea koeuhi ko Jelusalema aia kuou fili.

¶ 14 Bea nae ue‘i hake e Jihova ha fili kia Solomone, ko Hatati koe tagata Itomi: naa ne oe hako oe tu‘i i Itomi.

15 He nae hoko o behe, i he ene i Itomi a Tevita, bea kuo alu hake a Joabe koe eiki bule ki he kau tau ke tanu akinautolu nae tamate, hili a ene teia ae kakai tagata kotoabe i Itomi;

16 (Nae nofo i ai a Joabe mo Isileli katoa i he mahina e ono, kae oua ke fakaauha eia ae kau tagata kotoabe i Itomi:)

17 Bea nae hola a Hatati, koia moe niihi oe kau Itomi koe kau tamaioeiki o ene tamai, ke  nau alu ki Ijibite; he nae kei tamajii jii be a Hatati.

18 Bea naa nau tuu hake mei Mitiane, o hoko mai ki Balani: bea naa nau ave ae kau tagata mo kinautolu mei Balani, bea naa nau ha‘u ki Ijibite, kia Felo koe tu‘i o Ijibite; aia naa ne age moona ha fale, mo ne tuku kiate ia haane meakai, o ne foaki kiate ia ha koga fonua.

19 Bea nae ofeina lahi a Hatati i he ao o Felo, koia naa ne foaki ai kiate ia ae tokoua o hono unoho oona ke na unoho, io ae tokoua o Tabanise koe tu‘i fefine.

20 Bea nae fanau kiate ia e he tokoua o Tabanise a hono foha ko Kinubate, aia nae fakamavae e Tabanise i he fale o Felo: bea nae nofo a Kinubate i he abi o Felo fakataha moe gaahi foha o Felo.

21 Bea i he fanogo e Hatati i Ijibite kuo mohe a Tevita mo ene gaahi tamai, bea kuo bekia a Joabe ae eiki bule oe kau tau, nae behe e Hatati kia Felo, Tuku au keu alu, koeuhi keu alu ki hoku fonua ooku.

22 Bea nae toki behe kiate ia e Felo, Kae vakai, kuo ke majiva i he ha iate au, ke behe ai hoo fie alu ki ho fonua oou? bea naa ne beheage, Oku ikai, kae kehe be ke tuku au keu alu.

23 Bea nae ue‘i hake e he Otua ae fili e toko taha, ko Lisoni koe foha o Iliate, aia nae hola mei he ene eiki ko Hetatesa koe tu‘i o Soba:

24 Bea naa ne tanaki mai ae kau tagata kiate ia, bea ne hoko koe eiki o ha kogakau, i he kuoga nae teia ai e Tevita akinautolu: bea naa nau alu ki Tamasikusi, o nofo ai, o  ne bule i Tamasikusi.

25 Bea koe fili ia ki Isileli lolotoga ae aho kotoabe o Solomone, ka oku lau kehe ae kovi nae hoko mei a Hatati: bea naa ne fakalilia ki Isileli, mo ne bule ki Silia.

26 Bea ko Jeloboami koe foha o Nibati, koe tagata Efalata mei Sileta, koe tamaioeiki a Solomone, koe higoa o ene fa‘e ko Silua, koe fefine kuo bekia hono unoho, io naa moia naa ne hiki agatuu a hono nima ki he tu‘i.

27 Bea ko hono uhiga eni o ene hiki a hono nima ke agatuu ki he tu‘i: nae laga e Solomone a Milo, bea naa ne toe laga ae gaahi botu nae maumau i he kolo o Tevita ko ene tamai.

28 Bea koe tagata ko Jeloboami koe tagata to‘a lahi ia: bea i he ene mamata e Solomone ki he faa gaue ae talavou, naa ne fakanofo ia ke bule ki he gaue kotoabe i he fale o Josefa.

29 Bea nae hoko o behe i he kuoga koia, i he alu a Jeloboami mei Jelusalema, nae ilo ia i he hala e he balofita ko Ahija koe tagata Sailo; bea kuo ne fakakofu aki ia ha kofu foou; bea ko kinaua be e toko ua nae i he goue:

30 Bea nae buke atu e Ahija ki he kofu foou naa ne kofu aki, mo ne haehae ia ki he koga e hogofulu ma ua:

31 Bea naa ne behe kia Jeloboami, Too ekoe ae koga e hogofulu: he oku behe e Jihova, koe Otua o Isileli, Vakai, teu hae mai ae buleaga mei he nima o Solomone, bea teu age ae faahiga e hogofulu kiate koe.

32 (Ka e iate ia ae faahiga e taha koeuhi ko eku tamaioeiki ko Tevita, bea koeuhi ko Jelusalema, koe kolo aia kuou fili mai mei he gaahi faahiga kotoabe o Isileli:)

33 Koeuhi kuo nau jiaki au, bea kuo  nau lotu kia Asiteloti koe otua fefine o Saitoni, mo Kimosi koe otua oe kakai Moabe, mo Milikomi koe otua oe fānau a Amoni, bea kuo ikai alu akinautolu i hoku gaahi hala, ke fai totonu i hoku ao, bea ki he eku gaahi tuutuuni mo eku gaahi fakamāu, o hage ko Tevita ko ene tamai.

34 Ka e ikai foki teu too mei hono nima ae buleaga katoa: ka teu tuku ia ke tu‘i i he aho kotoabe o ene moui koeuhi ko Tevita ko eku tamaioeiki, aia naaku fili, koeuhi ko ene fai ki he eku gaahi fekau mo eku gaahi tuutuuni:

35 Ke teu too mai ae buleaga mei he nima o hono foha, bea teu age ia kiate koe, io ae faahiga e hogofulu.

36 Bea ki hono foha oona teu age ae faahiga e taha, koeuhi ke ai ha māma mau ai be i hoku ao i Jelusalema kia Tevita ko eku tamaioeiki, ae kolo koia kuou fili ke tuku ki ai a hoku huafa.

37 Bea teu fili koe, bea te ke bule o tatau moia kotoabe oku holi ki ai ho laumalie, bea te ke tu‘i i Isileli.

38 Bea e hoko o behe, kabau te ke fakafanogo ki he mea kotoabe teu fekau kiate koe, bea ke alu i hoku gaahi hala, mo ke fai totonu i hoku ao, ke tauhi eku gaahi tuutuuni mo eku gaahi fekau, o hage koia nae fai e Tevita ko eku tamaioeiki; behe, teu kau kiate koe, mo laga kiate koe ha fale tuu mau, o hage koia naaku fokotuu kia Tevita, bea teu foaki a Isileli kiate koe.

39 Bea koeuhi koe mea ni teu fakamamahi‘i ae hako o Tevita, ka e ikai ke taegata.

40 Koia nae kumi ai e Solomone ke ne tamate‘i a Jeloboami. Bea nae tuu hake a Jeloboami, o ne hola ki Ijibite, kia Sisaki koe tu‘i o Ijibite, bea naa ne i Ijibite o a‘u ki he bekia a Solomone.

¶ 41 Bea ko hono toe oe gaahi gaue a Solomone, moia fulibe naa ne fai, bea mo ene boto, ikai kuo tohi ia i he tohi oe gaahi gaue a Solomone?

42 Bea koe kuoga nae bule ai a Solomone i Jelusalema ki Isileli katoa koe ta‘u ia e fagofulu.

43 Bea nae mohe a Solomone ki he ene gaahi tamai bea nae fai hono butu ki he kolo o Tevita ko ene tamai: bea nae fetogi ia i he bule e hono foha ko Lehoboami.