¶ 1 BEA nae tanaki fakataha e Beni‐hatati koe tu‘i o Silia a ene kau tau kotoabe: bea nae iate ia ae tu‘i e toko tolugofulu ma toko ua, moe faga hose, moe gaahi jaliote: bea naa ne alu hake o ne kabui a Samelia aki ae tau, o ne fai ae tau ki ai.

2 Bea naa ne kouna atu ae kau talafekau kia Ehabi koe tu‘i o Isileli ki loto kolo, o ne behe kiate ia, Oku behe e Beni‐hatati,

3 Oku aaku a hoo siliva mo hoo koula; bea oku aaku foki a hoo gaahi unoho bea mo hoo fānau, io, akinautolu oku matalelei hake i ai.

4 Bea nae tali e he tu‘i o Isileli, o behe, E hoku eiki koe tu‘i, o hage ko hoo lea, oku aau au, bea moia kotoabe oku ou ma‘u.

5 Bea nae toe ha‘u ae kau talafekau, o nau behe, Oku behe mai e Beni‐hatati, Ne ogo a eku fekau atu kiate koe, o behe, Te ke tuku mai kiate au hoo siliva, mo hoo koula, mo ho gaahi unoho, bea mo hoo fānau;

6 Ne ogo ia, teu fekau atu a eku kau tamaioeiki kiate koe abogibogi i he feituulaa ni nai, bea te nau hakule ho fale, bea moe gaahi fale o hoo kau tamaioeiki; bea e behe, iloga ha mea oku matalelei ki ho mata oou, te nau too ia i ho nau nima o ave.

7 Bea nae toki omi e he tu‘i o Isileli ae kau mātua kotoabe oe fonua, o ne behe, Vakai, oku ou kole kiate kimoutolu, ke mou jio ki he ene kumi e he tagata ni ha fekovikovi‘i: he naa ne fekau mai kiate au ke atu a hoku gaahi unoho, mo eku gaahi fānau, mo eku siliva, bea mo eku koula; bea nae ikai teu taofi ha mea meiate ia.

8 Bea nae behe kiate ia e he kau mātua bea moe kakai kotoabe, Oua naa ke fanogo kiate ia, bea oua naa loto ki ai.

9 Koia naa ne behe ai ki he kau talafekau mei a Beni‐hatati, Mou tala ki hoku eiki koe tu‘i, Koe mea kotoabe naa ke tomua fekau ai ki hoo tamaioeiki teu fai ia: ka koe mea koeni e ikai jii teu mafai. Bea nae alu ae kau talafekau, o nau toe omi ae lea kiate ia.

10 Bea nae fekau atu kiate ia e Beni‐hatati, o ne behe, Ke fai behe e he gaahi otua kiate au, o lahi hake foki, o kabau e lahi ae efu o Samelia ke taki taha ma‘u, e he kakai kotoabe oku muimui kiate au, ha faluku e taha.

11 Bea nae beheage e he tu‘i o Isileli, Tala kiate ia, Oua naa bolebole ia aia oku nonoo mai hono mahafu tau, o hage koia oku ne vete ia.

12 Bea nae hoko o behe, i he ene fanogo a Beni‐hatati ki he lea koia, lolotoga a ene inu, aia mo ene gaahi tu‘i i he gaahi fale fehikitaki, naa ne behe ai ki he ene kau tamaioeiki, Mou teuteu. Bea naa nau teuteu ke tau‘i ae kolo.

¶ 13 Bea vakai, nae ha‘u ha balofita kia Ehabi koe tu‘i o Isileli, o ne behe, Oku behe e Jihova, Kuo ke mamata ki he fuu kakai toko lahi ni? vakai, teu tukuage akinautolu ki ho nima he aho ni; bea te ke ilo ko au ko Jihova.

14 Bea nae behe e Ehabi, I ahai? Bea nae behe mai eia, Oku behe e Jihova, e he nima oe kau talavou oe houeiki oe gaahi vahefonua. Bea naa ne toki behe, Bea kohai e tataki ae tau? Bea naa ne behe mai, Ko koe.

15 Bea naa ne toki lau hake ae kau talavou oe houeiki oe gaahi vahefonua, bea naa nau toko uageau ma tolugofulu ma ua: bea hili ene lau akinautolu, naa ne lau ae kakai kotoabe, ae fānau kotoabe a Isileli, koe toko fitu afe.

16 Bea naa nau alu atu feouga moe hoata malie. Ka nae lolotoga ia ae inu ke kona a Beni‐hatati i he gaahi fale fehikitaki, koia moe gaahi tu‘i, ae gaahi tu‘i e toko tolugofulu ma ua aia nae tokoni kiate ia.

17 Bea nae muomua atu ae kau talavou oe houeiki oe gaahi vahefonua; bea nae alu atu ae fekau mei a Beni‐hatati, bea naa nau fakaha kiate ia, o behe, Oku ha‘u ha kau tagata mei Samelia.

18 Bea naa ne behe, Kabau kuo nau lu mai ki tua i he melino, buke moui be akinautolu; bea kabau kuo nau omi ki tua ke fai ae tau, buke moui be akinautolu.

19 Koia nae hu mai mei he kolo ae kau talavou ni oe houeiki oe gaahi vahe fonua, bea moe kau tau nae muimui kiate kinautolu.

20 Bea naa nau tamate‘i taki taha haane tagata: bea nae feholaki ae kakai Silia; bea nae tulia akinautolu e he kakai Isileli: bea nae hao moui a Beni‐hatati koe tu‘i o Silia i ha hose fakataha moe kau heka hose.

21 Bea nae alu atu ae tu‘i o Isileli, o ne teia ae faga hose moe gaahi jaliote, bea naa ne tamate‘i ae kakai Silia i he tamate lahi aubito.

¶ 22 Bea nae ha‘u ae balofita ki he tu‘i o Isileli, mo ne behe kiate ia, Ke ke alu, mo fakamalohi koe, bea vakai, o tokaga ki he mea oku ke fai: he ka toe hoko mai ae faahita‘u e toe ha‘u ae tu‘i a Silia ke tau‘i koe.

23 Bea nae behe e he kau tamaioeiki ae tu‘i o Silia kiate ia, Ko ho nau gaahi otua, koe otua oe gaahi mouga; koia naa nau malohi hake ai iate kitautolu; kae tuku ke tau tau‘i akinautolu i he tokalelei, bea koe mooni te tau malohi hake iate kinautolu.

24 Bea ke fai ae mea ni, Ave ae gaahi tu‘i, ae tagata taki taha mei hono botu, bea fetogi aki akinautolu ae gaahi eiki ta‘u:

25 Bea lau mai kiate koe ha kau tau, o hage koe kau tau kuo mole iate koe, koe hose ke tatau moe hose, moe jaliote ke tatau moe jaliote: bea te tau tau mo kinautolu i he botu tokalelei, bea koe mooni te tau malohi hake iate kinautolu. Bea naa ne tokaga ki he e nau lea, o ne fai behe.

26 Bea i he ene toe hokojia mai ae faahita‘u, nae lau hake ae kakai Silia e Beni‐hatati, o ne alu hake ki Efeki ke tau mo Isileli.

27 Bea nae lau hake ae fānau a Isileli, bea nae taki taha ave ene meakai, mo nau alu atu ko ho nau tali: bea nae fokotuu ho nau abitaga i ho nau ao e he fānau a Isileli, o hage koe gaahi fagaga koji jii e ua; ka nae fonu ae fonua kotoa i he kau Silia.

¶ 28 Bea nae ha‘u ha tagata oe Otua, o ne lea ki he tu‘i o Isileli, o behe, Oku behe e Jihova, Koeuhi kuo behe e he kakai Silia, Koe Otua be oe gaahi mouga a Jihova, ka oku ikai koe Otua ia oe gaahi botu toka lelei, koia teu tukuage ai ae fuu kakai toko lahi ni ki ho nima, bea te mou ilo ko Jihova au.

29 Bea naa nau nofo o fehagaaki koe taha ki he taha i he aho e fitu. Bea nae behe, i hono fitu oe aho nae hoko ae tau: bea nae tamate‘i e he fānau a Isileli ae kau tagata haele e toko taha kilu oe kakai Silia i he aho be taha.

30 Ka nae feholaki ae toega  kakai ki Efeki, ki he loto kolo; bea nae higa ae a i ai o taomia ae kau tagata e toko ua mano moe toko fitu afe aia nae toe. Bea nae hola a Beni‐hatati, o ne hu mai ki he kolo, bea ki he loki ki loto fale.

¶ 31 Bea nae behe e he ene kau tamaioeiki kiate ia, Vakai eni, kuo mau fanogo koe gaahi tu‘i faa aloofa ae gaahi tu‘i oe fale o Isileli: oku mau kole kiate koe, tuku ke mau ai ae tauagaa ki ho mau kogaloto, moe maea ki ho mau ulu, bea mau alu atu ki he tu‘i o Isileli: hei ilo te ne fakamoui koe.

32 Koia naa nau nonoo aki akinautolu ae tauagaa i ho nau kogaloto, moe maea ki ho nau ulu, bea  naa nau ha‘u ki he tu‘i o Isileli, o behe, Oku behe mai e hoo tamaioeiki ko Beni‐hatati, Oku ou kole kiate koe, tuku keu moui. Bea naa ne behe, He oku ne kei moui? ko hoku kaiga ia.

33 Bea nae tokaga lahi e he kau tagata be e ai ha mea lelei meiate ia, bea naa nau buke leva ki ai: bea naa nau behe, Ko ho kaiga ko Beni‐hatati. Bea naa ne toki behe atu, Mou alu o omi ia. Bea nae toki ha‘u a Beni‐hatati ki tua kiate ia; bea naa ne fekau ia ke heka hake ki he jaliote.

34 Bea nae behe e  Beni‐hatati kiate ia, Koe gaahi kolo, aia nae kabaji e he eku tamai mei hoo tamai, teu toe atu; bea te ke gaohi maau ae gaahi hala i Tamasikusi o hage koia nae gaohi e he eku tamai i Samelia. Bea nae beheage ai  e Ehabi, Teu tukuage koe ke alu i he fuakava ni. Koia naa ne fai moia ha fuakava, mo ne tukuage ia ke alu.

¶ 35 Bea koe tagata e toko taha i he gaahi foha oe kau balofita, nae behe ki hono kaugaabi i he folofola a Jihova, Oku ou kole ke ke ta‘i au. Bea nae ikai te ne loto ke ta‘i ia.

36 Bea naa ne toki behe kiate ia, Koeuhi kuo ikai te ke fai talagofua ki he folofola a Jihova, vakai, oka ke ka alu atu leva meiate au, e tamate‘i koe e ha laione. Bea i he ene mahui atu leva meiate ia, nae ma‘u ia e ha laione, o ne tamate‘i ia.

37 Bea naa ne toki ilo ae tagata kehe e taha o ne behe, Oku ou kole ke ke ta‘i au. Bea nae ta‘i ia e he tagata, bea naa ne lavea i hono ta‘i.

38 Koia nae alu ai ae balofita, mo ne tatali i he hala ki he tu‘i, bea naa ne fakabuli ia aki ae efuefu nae ai ki hono mata.

39 Bea i he ene aluage ai ae tu‘i naa ne ui atu ki he tu‘i: bea naa ne behe, Nae alu atu a hoo tamaioeiki ki he lotolotoga oe tau; bea vakai, nae afe mai ha tagata o ne omi ha tagata kiate au, mo ne behe, Buke mau ae tagata ni: kabau e mole ia i ha mea, e toki totogi e hoo moui a ene moui aana, bea ka ikai ia te ke totogi aki ha taleniti siliva e taha.

40 Bea lolotoga ae femouekina a hoo tamaioeiki, iloage kuo ne hao. Bea nae behe e he tu‘i o Isileli kiate ia, E behe be ae fakamāu‘i koe; kuo ke fakababau be ia ekoe.

41 Bea naa ne fai fakatootoo o ne too ae efuefu mei hono mata; bea nae toki ilo ia e he tu‘i o Isileli koe toko taha ia i he kau balofita.

42 Bea naa ne behe kiate ia, Oku behe e Jihova, Koeuhi kuo ke tukuage mei ho nima ae tagata naaku tuku bau e au ke fakaauha aubito, koia e totogi aki a hoo moui a ene moui aana, bea e totogi aki hoo kakai a ene kakai aana.

43 Bea nae alu ae tu‘i o Isileli ki hono fale kuo māfajia mo mamahi, mo ne hoko ki Samelia.