¶ 1 I HE kuoga koia nae hoko ae mahaki kia Abija koe alo o Jeloboami.

2 Bea nae behe e Jeloboami ki hono unoho, Oku ou kole kiate koe, ke ke tuu hake, mo fakabulibuli koe, koeuhi ke oua naa ilo koe unoho koe o Jeloboami; bea ke alu ki Sailo; vakai, oku i ai a Ahija koe balofita, aia naa ne fakaha kiate au keu tu‘i ki he kakai ni.

3 Bea ave i ho nima ha foi ma e hogofulu, moe gaahi foi ma manifinifi, moe hina e taha oe honi, bea ke alu kiate ia: e fakaha eia kiate koe be koeha ha mea e hoko ki he tamajii.

4 Bea nae fai behe e he unoho a Jeloboami, mo ne tuu hake, o alu ki Sailo, o ne hokoage ki he fale o Ahija. Bea nae ikai faa mamata e Ahija; he nae kui hono mata koe mea i he ene motua.

¶ 5 Bea nae behe e Jihova kia Ahija, Vakai, oku ha‘u ae unoho o Jeloboami ke fehui kiate koe koeuhi ko ene tama; he oku mahaki ia: bea e behe mo behe a hoo lea kiate ia: he koeuhi, i he ene hu mai, te ne fai eia o hage ko ha fefine kehe ia.

6 Bea nae behe, i he ene fanogo e Ahija ki he batū o hono va‘e, i he ene hu mai i he mataba, naa ne behe, Hu mai, akoe koe unoho o Jeloboami; koeha oku ke fai ke ke hage ko ha taha kehe? He kuo fekau‘i au kiate koe moe ogoogo mamafa.

7 Alu, o tala kia Jeloboami, Oku behe e Jihova koe Otua o Isileli, Koeuhi ko eku hakeaki‘i koe mei he lotolotoga oe kakai, beau tuku ke ke eiki koe ki hoku kakai Isileli,

8 Beau hae‘a mai ae buleaga mei he fale o Tevita, mo foaki ia kiate koe: bea kuo ikai te ke tatau mo eku tamaioeiki ko Tevita, aia nae fai ki he eku gaahi fekau, bea ne muimui mai kiate au aki a hono loto kotoa, ke fai agatonu be i hoku ao;

9 Ka kuo lahi hake a hoo fai kovi iate kinautolu fulibe nae i mua iate koe: he kuo ke alu mo gaohi ae gaahi otua kehe, moe gaahi fakatātā oe ukamea haka, ke fakatubu a eku houhau, bea kuo ke liaki au ki ho tua:

10 Koia, vakai, teu omi ae kovi ki he fale o Jeloboami, bea teu motuhi mei a Jeloboami ae kau tagata kotoabe, bea moia oku tabuni mo toe i Isileli, bea teu ave ae toega oe fale o Jeloboami, o hage koe taufetuku e ha tagata ae kinohaa, kae oua ke ojioji aubito ia.

11 Koia ia Jeloboami oku mate i he kolo e keina ia e he faga kuli; bea koia e mate i he goue e keina ia e he faga mānu buna; he kuo folofola ki ai a Jihova.

12 Koia ke ke tuu hake koe, mo alu ki ho fale oou: bea oka hu atu ho va‘e ki he kolo, e mate ae tamajii.

13 Bea e tegihia ia e Isileli kotoa, mo tanu ia: he koia toko taha be ia Jeloboami e hoko ki he faitoka, koeuhi kuo ilo iate ia ha mea oku lelei kia Jihova koe Otua o Isileli i he fale o Jeloboami.

14 Bea e fokotuu hake foki e Jihova maana ha tu‘i ki Isileli, aia te ne fakaauha ae fale o Jeloboami i he aho koia: kae fefe? e hoko ia i hono kuoga.

15 Koeuhi e ta‘i a Isileli e Jihova, o hage koe lulu‘i ha vaakaho i he vai, bea te ne taaki fuu hake a Isileli mei he fonua lelei ni, aia naa ne foaki ki he e nau gaahi tamai, bea  te ne fakamovetevete akinautolu ki he tua vaitafe, koeuhi kuo nau gaohi ae gaahi vao tabu, ke fakatubu ae houhau o Jihova.

16 Bea te ne jiaki a Isileli koeuhi koe gaahi agahala a Jeloboami, aia nae fai agahala eia, bea naa ne fakaagahala‘i a Isileli.

¶ 17 Bea nae tuu hake ae unoho o Jeloboami, mo ne alu, o ne ha‘u ki Tilisa: bea i he ene hoko mai ki he huaga oe mataba, nae mate ae tamajii;

18 Bea naa nau fai hono butu; bea nae tegihia ia e Isileli katoa, o fakatatau moe folofola a Jihova, aia naa ne folofola aki i he ene tamaioeiki ko Ahija koe balofita.

19 Bea ko hono toe oe gaahi mea nae fai e Jeloboami, a ene gaahi tau, moe aga o ene bule, vakai, kuo tohi ia i he tohi fakamatala ki he gaahi tu‘i o Isileli.

20 Bea koe kuoga nae bule ai a Jeloboami koe ta‘u ia e uofulu ma ua: bea naa ne tokoto hifo fakataha ia mo ene gaahi tamai, bea nae fetogi ia i he bule e Natabi ko hono foha.

¶ 21 Bea nae bule i Juta a Lehoboami koe foha o Solomone. Nae fagofulu ma taha ae ta‘u o Lehoboami i he ene kamata bule, bea naa ne bule i Jelusalema i he ta‘u e hogofulu ma fitu, ae kolo koia nae fili e Jihova mei he faahiga kotoabe o Isileli, ke tuku i ai a hono huafa. Bea koe higoa o ene fa‘e ko Neama koe fefine Amoni.

22 Bea nae fai kovi a Juta i he ao o Jihova, bea naa nau fakatubu ae fuaa iate ia koe mea i he e nau gaahi agahala aia naa nau fai, o lahi hake aubito i he mea kotoabe nae fai e he e nau gaahi tamai.

23 He naa nau laga foki ekinautolu ae gaahi botu maoluga moe gaahi tamabua, moe gaahi vao tabu, i he tumutumu oe mouga kotoabe, bea i he lolo akau mata kotoabe.

24 Bea nae ai ae kakai foki i he fonua nae agafakasotoma: bea naa nau fai o fakatatau moe gaahi mea fakalielia kotoabe oe gaahi buleaga aia nae kabuji atu mei he ao oe fānau a Isileli.

¶ 25 Bea nae hoko o behe i hono nima oe ta‘u oe tu‘i ko Lehoboami, nae ha‘u a Sisaki koe tu‘i o Ijibite ke ne tau‘i a Jelusalema.

26 Bea naa ne ave ae gaahi mea mahuiga oe fale o Jihova, moe koloa i he fale oe tu‘i: io naa ne ave kotoabe: bea naa ne ave ae gaahi ba koula aia nae gaohi e Solomone.

27 Bea nae gaohi e he tu‘i ko Lehoboami ae gaahi ba balasa ko hono fetogi, o ne tuku ia ki he nima oe eiki nae bule ki he kau leo, aia nae leohi ae mataba oe fale oe tu‘i.

28 Bea nae fai o behe, i he ene hu atu ae tu‘i ki he fale o Jihova, nae fua atu ia e he kau leo, bea nau toe omi ia ki he botu fale oe kau leo.

¶ 29 Bea koeni, ko hono toe oe gaahi gaue a Lehoboami, moia kotoabe naa ne fai, ikai kuo tohi ia i he tohi fakamatala ki he gaahi tu‘i o Juta?

30 Bea nae fai ae tau e Lehoboami mo Jeloboami i ho na gaahi aho kotoabe.

31 Bea nae mohe a Lehoboami mo ene gaahi tamai, bea nae tanu ia fakataha mo ene gaahi tamai i he kolo o Tevita. Bea koe higoa o ene fa‘e ko Neama ko fefine Amoni. Bea nae hoko moia i he bule a Abijami ko hono foha.