¶ 1 NAE toki hoko mai ae folofola a Jihova kia Jehu koe foha o Hanani, koeuhi ko Baasa, o behe,

2 Koeuhi naaku hakeaki‘i koe mei he efu, o gaohi koe koe eiki ki hoku kakai ko Isileli; bea kuo ke alu koe i he hala o Jeloboami, bea kuo ke fakaagahala‘i a hoku kakai Isileli ke nau fakatubu ae houhau iate au ki he e nau gaahi agahala;

3 Vakai, teu fetuku atu ae hako o Baasa, moe hako o hono fale; bea  teu gaohi ho fale ke hage koe fale o Jeloboami koe foha o Nibati.

4 Koia ia Baasa oku mate i he kolo e kai ia e he faga kuli; bea koia oku aana e mate i he goue e keina e he faga manu buna oe atā.

5 Bea koeni koe toe oe gaahi gaue a Baasa, moia naa ne fai, mo ene malohi, ikai kuo tohi ia i he tohi fakamatala ki he gaahi tu‘i o Isileli?

6 Koia nae mohe a Baasa mo ene gaahi tamai, bea nae fai hono butu i Tilisa: bea nae bule a Ela ko hono foha, ko hono fetogi.

7 Bea nae omi foki i he nima oe balofita ko Jehu koe foha o Hanani, ae folofola a Jihova kia Baasa, bea ki hono fale oona; io koe mea i he kovi kotoabe naa ne fai eia i he ao o Jihova, i he fakatubu ene houhau ki he gaue a hono nima, koe mea i he ene tatau moe fale o Jeloboami; bea koeuhi ko ene tamate‘i ia.

¶ 8 I hono uofulu ma ono oe ta‘u a Asa koe tu‘i o Juta nae kamata e Ela koe foha o Baasa ke bule ki Isileli i Tilisa, i he ta‘u e ua.

9 Bea nae labaji ia e he ene tamaioeiki ko Simili, koe eiki nae bule ki hono vahe ua malie o ene gaahi jaliote, lolotoga a ene i Tilisa, mo ene inu ke kona i he fale o Alisa koe tauhi o hono fale i Tilisa.

10 He nae hu atu a Simili o ne ta‘i ia ke ne mate, i hono uofulu ma fitu oe ta‘u a Asa koe tu‘i o Juta, mo ne fetogi ia i he bule.

¶ 11 Bea nae hoko o behe, i he ene kamata bule, i he ene nofo hifo leva ki hono nofoa fakatu‘i, naa ne tamate‘i ae kauga fale kotoabe o Baasa: nae ikai te ne fakatoe ha tagata e toko taha kiate ia, i hono kaiga mooni, be i hono kaiga kehe.

12 Nae behe ae fakaauha e Simili ae fale kotoabe o Baasa, o hage koe folofola a Jihova, aia naa ne folofola aki kia Baasa ia Jehu koe balofita,

13 Koeuhi koe agahala kotoabe a Baasa, moe agahala a Ela ko hono foha, aia naa na halaia ai, mo na fakaagahala ai a Isileli, i he fakatubu ae houhau a Jihova koe Otua o Isileli ki he e nau gaahi mea vaiga.

14 Bea koeni koe toe oe gaahi gaue a Ela, moia kotoabe naa ne fai, ikai kuo tohi ia i he tohi fakamatala ki he gaahi tu‘i o Isileli?

¶ 15 I hono uofulu ma fitu oe ta‘u a Asa koe tu‘i o Juta nae bule a Simili i he aho e fitu i Tilisa. Bea nae nofo abitaga ae kakai ke tau‘i a Kibitoni, aia nae oe kakai Filisitia.

16 Bea nae fanogo e he kakai i he abitaga, ki he talanoa, o behe, Kuo fai ae laba e Simili, bea kuo ne tamate‘i foki ae tu‘i: koia nae fai e Isileli katoa ke fakanofo a Omili, koe eiki bule oe kau tau, ke ne tu‘i ki Isileli i he aho koia i he abitaga.

17 Bea nae alu hake a Omili mei Kibitoni aia mo Isileli katoa moia, bea naa nau kabui a Tilisa aki ae tau.

18 Bea nae hoko o behe, i he ene mamata e Simili kuo kaba ae kolo, naa ne hu atu ki he botu maoluga oe fale oe tu‘i, bea naa ne tugia ae fale oe tu‘i, bea ne mate ai,

19 Koe mea i he ene gaahi agahala aia naa ne fai hala ai mo fai kovi ai i he ao o Jihova, mo ne alu i he hala o Jeloboami, bea i he ene agahala aana aia naa ne fai ke ne fakaagahala‘i a Isileli.

20 Bea koeni koe toe oe gaahi gaue a Simili, bea mo ene agatuu aia naa ne fai, ikai kuo tohi ia i he tohi fakamatala ki he gaahi tu‘i o Isileli?

¶ 21 Bea nae vahe ua ae kakai Isileli: ko hono vahe e taha oe kakai nae muimui kia Tibini koe foha o Kinati, ke fakanofo ia koe tu‘i; ka ko hono vahe e taha nae muimui kia Omili.

22 Ka nae malohi hake ae kakai nae muimui kia Omili ki he kakai nae muimui kia Tibini koe foha o Kinati: bea nae mate a Tibini kae bule a Omili.

¶ 23 I hono tolugofulu ma taha oe ta‘u a Asa koe tu‘i o Juta nae kamata ae bule a Omili ki Isileli, i he ta‘u e hogofulu ma ua: nae bule ia i he ta‘u e ono e Tilisa.

24 Bea naa ne fakatau ae mouga o Samelia mei a Semeli aki ae taleneti e ua oe siliva, bea naa ne fai ae laga i he mouga, o ne fakahigoa ae kolo naa ne laga, ki he higoa o Semeli aia nae oona ae mouga, ko Samelia.

¶ 25 Ka nae fai kovi a Omili i he ao o Jihova, o ne fai o kovi lahi hake iate kinautolu kotoabe nae mua iate ia.

26 He naa ne alu i he hala o Jeloboami koe foha o Nibati, bea ki he ene agahala aana aia naa ne fakaagahala ai a Isileli, ke fakatubu ai ae houhau a Jihova koe Otua o Isileli i he e nau gaahi mea vaiga.

27 Bea koeni koe toe oe gaahi gaue a Omili aia naa ne fai, mo ene malohi naa ne fakaha, ikai kuo tohi ia i he tohi fakamatala ki he gaahi tu‘i o Isileli?

28 Bea behe, nae mohe a Omili mo ene gaahi tamai, bea nae fai hono butu i Samelia: bea nae bule a Ehabi ko hono foha, ko hono fetogi.

¶ 29 Bea i hono tolugofulu ma valu oe ta‘u a Asa koe tu‘i o Juta, nae kamata bule ki Isileli a Ehabi koe foha o Omili: bea nae bule a Ehabi koe foha o Omili ki Isileli, i Samelia, i he ta‘u e uofulu ma ua.

30 Bea nae fai kovi a Ehabi koe foha o Omili i he ao o Jihova o lahi hake iate kinautolu kotoabe nae mua iate ia.

31 Bea nae hoko o behe, hage koe mea maamaa ia a ene alu i he gaahi agahala a Jeloboami koe foha o Nibati, he naa ne fili mai ke unoho moia a Jisibeli, koe ofefine o Etibeali koe tu‘i oe kakai Saitoni, o ne alu o tauhi kia Beali, o ne lotu ki ai.

32 Bea naa ne fokotuu hake ha feilaulauaga kia Beali i he fale o Beali, aia naa ne laga hake i Samelia.

33 Bea nae gaohi e Ehabi ha vao tabu; bea nae lahi hake ae mea nae fai e Ehabi ke fakatubu ae houhau a Jihova koe Otua o Isileli  i he mea nae fai e he gaahi tu‘i kotoabe o Isileli nae i mua iate ia.

34 I hono gaahi aho oona nae laga hake a Jeliko e Ieli koe tagata Beteli: naa ne ai hono tuuga kae mate a Abilami ko hono uluaki fanau, bea naa ne fokotuu a hono gaahi mataba kae mate a hono foha ki mui ko Sikubi, o hage koe folofola a Jihova, aia naa ne folofola aki ia Josiua koe foha o Nuni.