Koe Uluaki Tohi oe Gaahi Tu‘i

¶ 1 BEA koeni kuo motua a Tevita bea lahi a hono ta‘u; bea naa nau ufiufi aki ia ae gaahi kofu, ka nae ikai ke ne māfana ai.

2 Koia nae behe ai e he ene kau tamaioeiki kiate ia, Tuku ke nau kumi mai ki hoku eiki koe tu‘i ha finemui koe tāuboou: bea tuku ia ke i he ao oe tu‘i, mo ne tauhi kiate ia, bea tuku ke ne tokoto ki ho fatafata, koeuhi ke māfana ai a hoku eiki koe tu‘i.

3 Koia naa nau kumi ha fefine mui hoihoifua i he botu fonua kotoabe o Isileli, bea naa nau ma‘u a Abisaki koe tefine Sunemi, o nau omi ia ki he tu‘i.

4 Bea nae hoihoifua aubito ae taahine, bea naa ne fai ofa ki he tu‘i, mo ne tauhi kiate ia: ka nae ikai ilo ia e he tu‘i.

¶ 5 Bea nae toki fai fakafiefielahi e Atunaisa koe tama a Hakiti, o ne behe, Teu hoko au koe tu‘i: bea naa ne teuteu‘i maana ae gaahi jaliote moe kau heka hose, moe kau tagata e toko nimagofulu ke lele muomua i hono ao.

6 Bea nae ikai fakamamahi ia e he ene tamai i ha aho, be te ne behe, Koeha kuo ke fai behe ni ai? bea koe tagata toulekeleka lelei ia, bea nae fanau‘i ia ki mui ia Abisalomi.

7 Bea naa ne alea mo Joabe koe tama a Seluia, bea mo Abaiata koe taulaeiki: bea naa na muimui ia Atunaisa ko hono tokoni.

8 Ka ko Satoki koe taulaeiki, mo Benaia koe foha o Jehoiata, mo Netane koe balofita, mo Simi, mo Lei, bea moe kau tagata malohi aia nae ia Tevita, nae ikai kau  akinautolu kia Atunaisa.

9 Bea nae tamate‘i ae faga sibi, moe faga bulu, moe faga manu jino e Atunaisa i he maka ko Soileti, aia oku vaaofi mo Enilokeli, bea naa ne ui ki hono gaahi tokoua koe gaahi foha oe tu‘i, bea ki he kau tagata kotoabe o Juta koe kau tamaioeiki oe tu‘i:

10 Ka ko Netane koe balofita mo Benaia, moe kau tagata malohi, bea mo Solomone ko hono tokoua, nae ikai te ne ui.

11 Koia nae lea ai a Netane kia Batiseba koe fa‘e a Solomone, o behe, Ikai kuo ke fanogo kuo bule a Atunaisa koe tama a Hakiti, bea oku ikai ilo ia e ho ta eiki ko Tevita?

12 Koia ke ke ha‘u, bea oku ou kole kiate koe, tuku keu eginaki‘i koe, koeuhi ke ke fakamoui a hoo moui aau, bea moe moui a hoo tama ko Solomone.

13 Alu bea ke hoko atu kia Tevita koe tu‘i, bea ke lea behe kiate ia, E hoku eiki koe tu‘i, ikai naa ke fuakava ki hoo kaunaga, o behe, Koe mooni e hoko a Solomone ko hoo tama ke bule ki mui iate au, bea te ne nofo ki hoku nofoa fakatu‘i? bea ka kuo behe, koeha oku bule ai a Atunaisa?

14 Bea vakai, lolotoga a hoo alea ai moe tu‘i, teu muimui atu au iate koe foki mo fakamooni a hoo gaahi lea.

¶ 15 Bea nae hu atu a Batiseba ki he tu‘i ki hono botu fale: bea nae motua aubito ae tu‘i; bea nae tauhi ki he tu‘i a Abisaki koe fefine Sunemi.

16 Bea nae bunou a Batiseba, mo ne fai fakaabaaba ki he tu‘i. Bea nae behe e he tu‘i, Koeha ho loto?

17 Bea nae behe eia kiate ia, E hoku eiki, naa ke fuakava ia Jihova ko ho Otua ki hoo kaunaga,  o behe, Koe mooni ko Solomone ko hoo tama e hoko mo au ki he bule, bea te ne afio i hoku nofoa fakatu‘i.

18 Bea vakai eni, kuo bule a Atunaisa; bea koeni, e hoku eiki koe tu‘i, oku ikai te ke ilo ia:

19 Bea kuo ne tamate‘i ae faga bulu, moe faga manu jino, moe faga sibi o lahi aubito, bea kuo ne talaki ae gaahi foha kotoabe oe tu‘i, mo Abaiata koe taulaeiki, mo Joabe koe eiki bule oe kau tau: ka kuo ikai te ne ui a Solomone ko hoo tamaioeiki.

20 Bea ko koe, e hoku eiki koe tu‘i, kuo haga mai kiate koe ae mata kotoabe o Isileli, koeuhi ke ke fakaha kiate kinautolu be kohai ia e hoko mo koe ke nofo ki he nofoa fakatu‘i o hoku eiki koe tu‘i.

21 He ka ikai fai eni e hoko o behe, oka to o mohe a hoku eiki koe tu‘i fakataha mo ene gaahi tamai, e lau au mo eku tama ko Solomone koe ogo fai hala.

¶ 22 Bea vakai, lolotoga a ene kei lea moe tu‘i, nae hu atu foki a Netane koe balofita.

23 Bea naa nau fakahaage ki he tu‘i, o behe, Vakai koeni a Netane koe balofita. Bea i he ene hu mai ki he ao oe tu‘i, naa ne bunou hifo ia mo hono mata ki he kelekele i he ao oe tu‘i.

24 Bea nae behe e Netane, E tu‘i, ko hoku eiki, kuo ke behe koa, E bule a Atunaisa ki mui iate au, bea e nofo ia ki hoku nofoa fakatu‘i?

25 He kuo alu hifo ia he aho ni, bea kuo ne tamate‘i ae faga bulu moe faga manu jino, moe faga sibi o lahi aubito, bea kuo ne talaki ae gaahi foha oe tu‘i, moe houeiki bule oe kau tau, bea mo Abaiata koe taulaeiki; bea vakai, oku nau kai mo inu i hono ao, o nau behe, Ke moui ae tu‘i ko Atunaisa.

26 Ka ko au, io ko au ko hoo tamaioeiki, mo Satoki koe taulaeiki, mo Benaia koe foha o Jehoiata, bea mo hoo tamaioeiki ho Solomone, kuo ikai te ne ui  akimautolu.

27 Kuo fai ae mea ni e hoku eiki koe tu‘i, bea kuo ikai, ke ke fakaha mai ia ki hoo tamaioeiki, be kohai ia e nofo ki mui i he nofoa fakatu‘i o hoku eiki koe tu‘i?

¶ 28 Bea nae toki tali e he tu‘i ko Tevita o ne behe, Ui mai a Batiseba. Bea naa ne ha‘u ki he ao oe tu‘i, o ne tuu i he ao oe tu‘i.

29 Bea nae fuakava e he tu‘i, o behe, O hage oku moui mooni a Jihova, aia kuo huhui a hoku laumalie mei he mamahi kotoabe,

30 O hage ko eku fuakava kiate koe ia Jihova koe Otua o Isileli, o behe, Koe mooni ko Solomone ko hoo tama e bule ki mui iate au, bea e nofo ia ki hoku nofoa fakatu‘i ko hoku fetogi; teu fai behe mooni kiate koe he aho ni.

31 Bea nae toki bunou a Batiseba mo hono mata ki he kelekele, mo ne fai fakaabaaba ki he tu‘i, o ne behe, Ofa ke moui a Tevita ko hoku eiki koe tu‘i o taegata.

¶ 32 Bea nae behe e he tu‘i ko Tevita, Ui mai a Satoki koe taulaeiki, mo Netane koe balofita, mo Benaia koe foha o Jehoiata. Bea naa nau ha‘u ki he ao oe tu‘i.

33 Nae behe foki e he tu‘i kiate kinautolu, Mou ave mo kimoutolu ae kau tamaioeiki a ho mou eiki, bea fakaheka a Solomone ko hoku foha ki he eku miuli aaku, bea o hifo ia ki Kihoni:

34 Bea tuku ke bani ia aki ae lolo e Satoki koe taulaeiki mo Netane koe balofita, ke ne tu‘i i Isileli: bea mou ifi aki ae mealea, mo behe, Ke moui ae tu‘i ko Solomone.

35 Bea hili ia te mou muimui mai kiate ia, koeuhi ke ne ha‘u o heka ki hoku nofoa fakatu‘i: he te ne hoko ia koe tu‘i, ko hoku fetogi: bea kuou fakanofo ia ke ne bule ki Isileli bea mo Juta.

36 Bea nae tali ae lea ae tu‘i e Benaia koe foha o Jehoiata, o ne behe, Emeni: bea ke behe foki e Jihova koe Otua o hoku eiki koe tu‘i.

37 O hage koe i hoku eiki koe tu‘i a Jihova, ke behe foki a ene kau kia Solomone, mo ne fakalahi a hono nofoa fakatu‘i ke lahi hake i he nofoa fakatu‘i o hoku eiki koe tu‘i ko Tevita.

38 Koia nae alu hifo ai a Satoki koe taulaeiki, mo Netane koe balofita, mo Benaia koe foha o Jehoiata, bea moe kakai Keliti moe kakai Beleti, bea naa nau fakaheka a Solomone ki he miuli ae tu‘i ko Tevita, bea naa nau omi ia ki Kihoni.

39 Bea nae too mai ae hina lolo mei he fale fehikitaki e Satoki koe taulaeiki, bea ne bani aki a Solomone. Bea naa nau ifi ae mealea: bea nae behe e he kakai kotoabe, Ke moui ae tu‘i ko Solomone.

40 Bea nae muimui hake kiate ia ae kakai kotoabe, bea nae ifi e he kakai e nau gaahi fafagu, bea naa nau fiefia i he fiefia lahi aubito, koia nae mafahi ae fonua i ho nau logoaa.

¶ 41 Bea nae fanogo ki ai a Atunaisa bea moe kakai kotoabe nae iate ia, o feouga moe fakaoji e nau kai. Bea i he fanogo a Joabe ki he ifi ae mealea, naa ne behe, Koeha oku logoaa ai ae kolo mo maveuveu?

42 Bea iloage, lolotoga a ene kei lea, nae ha‘u a Jonatane koe foha o Abaiata koe taulaeiki: bea nae behe e Atunaisa kiate ia, Hu mai; he koe tagata to‘a koe bea oku ke omi ha ogoogolelei.

43 Bea nae lea o beheage e Jonatane kia Atunaisa, Koe mooni kuo fakanofo e Tevita a Solomone ke ne tu‘i.

44 Bea kuo fekau atu ia mo Satoki koe taulaeiki, mo Netane koe balofita, mo Benaia koe foha o Jehoiata, moe kakai Keliti, moe kakai Beleti, bea kuo nau fakaheka ia ki he miuli ae tu‘i:

45 Bea kuo bani aki ia ae lolo i Kihoni ke hoko koe tu‘i, e Satoki koe taulaeiki mo Netane koe balofita: bea kuo nau o hake mei ai moe fiefia, koia nae toe mavava ai ae kolo. Koe logoaa eni aia kuo mou fanogo ki ai.

46 Bea kuo nofo foki a Solomone i he nofoa fakatu‘i oe buleaga.

47 Bea nae ha‘u foki ae kau tamaieiki oe tu‘i ke tabuaki‘i a ho tau eiki koe tu‘i ko Tevita, o behe, Ke gaohi e he Otua ae higoa o Solomone ke lelei hake i ho higoa oou, bea ne gaohi a hono nofoa fakatu‘i ke lahi hake i ho nofoaga oou. Bea nae bunou hifo ae tu‘i i hono mohega.

48 Bea nae lea behe foki e he tu‘i, Fakafetai kia Jihova koe Otua o Isileli, aia kuo ne foaki mai ha toko taha ke nofo ki hoku nofoa fakatu‘i he aho ni, ka kuo jio ki ai a hoku mata.

¶ 49 Bea nae manavahe ae kakai kotoabe nae ia Atunaisa, bea naa nau tutuu hake, bea alu taki taha ae tagata i hono hala.

50 Bea nae manavahe a Atunaisa koeuhi ko Solomone, bea naa ne tuu hake, mo ne alu o ne buke ki he nifo oe feilaulauaga.

51 Bea nae tala kia Solomone, o behe Vakai, oku manavahe a Atunaisa ki he tu‘i ko Solomone: he vakai, kuo ne buke atu ki he nifo oe feilaulauaga, o ne behe, Tuku ke fuakava e he tu‘i ko Solomone kiate au he aho ni, e ikai te ne tamate‘i a ene tamaioeiki aki ae heleta.

52 Bea nae behe e Solomone, Kabau te ne fai o gali mo ha tagata lelei, e ikai jii to ki he kelekele hano tuoni louulu e taha: bea kabau e ilo ha kovi iate ia, koe mooni te ne mate.

53 Koia nae fekau atu e Solomone, bea naa nau omi ia mei he feilaulauaga. Bea naa ne ha‘u o ne bunou hifo ia ki he tu‘i ko Solomone: bea nae behe e Solomone kiate ia, Alu koe ki ho fale.