¶ 1 KA nae fai e Solomone ae laga o hono fale oona i he ta‘u e hogofulu ma tolu, bea naa ne fakaoji a hono fale kotoabe.

2 Naa ne laga foki ae fale i he vao akau o Lebanoni; ko hono loloa oia koe haga e uageau, bea ko hono māukubu koe haga e teau, bea ko hono maoluga koe haga e onogofulu, nae tuu ia ki he otu bou sita e fa, bea nae hilifaki ki he fuga bou ae gaahi lalaga sita.

3 Bea nae ufiufi ia aki ae sita ki oluga i he gaahi lalaga, aia nae toka ki he bou e fagofulu ma nima, aia nae taki hogofulu ma nima i he otu e taha.

4 Bea nae ai ae gaahi katuba nae fakaotu tolu, bea nae fehagaaki ia i he otu e tolu.

5 Bea nae botubotu tatau be ae gaahi mataba moe gaahi bou kotoabe, bea behe moe gaahi katuba: bea nae fehagaaki ae katuba ki he katuba i he otu e tolu.

¶ 6 Bea naa ne gaohi ae huaga fale fakamalumalu aki ae gaahi bou; ko hono loloa koe haga e teau, bea ko hono māukubu koe haga e onogofulu: bea nae ki mua i ai ae huaga fale fakamalumalu: bea koe gaahi bou bea moe lalaga lahi nae i mua i ai.

¶ 7 Bea naa ne gaohi foki ae fakamalumaluaga ki he nofoa fakaeieiki ke ne fai mei ai ae fakamāu, io ae fale fakamalumalu oe fakamauaga: bea nae ufiufi ia aki ae sita mei he botu faliki fale e taha ki he taha kehe.

8 Bea ko hono fale aia naa ne nofo ai nae i ai ae loto a e taha ki lotoage i he huaga fale fakamalumalu, aia nae tatau be hono gaohi. Nae gaohi foki e Solomone ha fale ki he ofefine o Felo, ko hono unoho, o tatau moe huaga fale fakamalumalu koeni.

9 Nae mahuiga hono gaahi maka kotoabe, o fakatatau moe fuofua oe gaahi maka kuo ta, ka nae hele aki ae kili, i loto bea i tua, io mei he tuuga o a‘u hake ki he tulutulu, bea nae behe ia i tua o haga atu ki he loto a lahi.

10 Bea ko hono tuuga nae oe gaahi maka mahuiga, io ae gaahi maka lalahi, koe gaahi maka nae uofulu malie a hono haga, moe gaahi maka nae haga e hogofulu ma ono.

11 Bea nae i oluga ae gaahi maka mahuiga, o tatau moe fuofua oe gaahi maka kuo ta, bea moe gaahi sita.

12 Bea koe loto a lahi aia nae takatakai ai nae otu tolu ae gaahi maka tātā, bea moe otu e taha oe gaahi lalaga sita, ki he lotoa ki loto i he fale o Jihova, bea ki he huaga fale fakamalumalu oe fale.

¶ 13 Bea nae fekau atu e Solomone o ne omi a Helami mei Taia.

14 Koe tama ia oe fefine nae bekia hono unoho oe faahiga o Nafitali, bea ko ene tamai koe tagata Taia, koe tufuga i he balasa: bea nae fonu ia i he boto, moe faa fakakaukau, mo nimameaa ke gaohi ae gaahi mea i he balasa.

15 He naa ne gaohi ae ogo bou balasa, nae taki taha ae haga e tolugofulu ho na maoluga: bea ko hono fua takatakai aki ae afo koe taki taha ae haga e uofulu ma fa.

16 Bea naa ne gaohi ae ulu bou e ua aki ae balasa nae haka, koeuhi ke ai i he ogo ulu bou: koe maoluga oe ulu bou e taha koe haga e hogofulu, bea koe maoluga oe ulu bou e taha koe haga e hogofulu:

17 Bea koe teuga fakavagavaga, moe kahoa oe gaue nae fakafihifihi ki he ulu‘i bou aia nae i oluga i he gaahi bou; koe fitu ki he ulu‘i bou e taha, bea fitu ki he ulu‘i bou kehe e taha.

18 Bea naa ne gaohi ae gaahi bou, bea moe otu e ua nae i he teuga fakavagavaga be taha, ke ufiufi ae ulu‘i bou aia nae: oluga aki ae bomikaniti; bea nae behe foki a ene gaohi ae ulu‘i bou e taha.

19 Bea koe ulu‘i bou aia nae i he ulu bou i he huaga fale fakamalumalu nae fakasanisani aki ae lili, koe haga e valu.

20 Bea nae i oluga foki, i he ulu‘i bou nae i he ogo bou, ae bomikaniti, o feouga atu moe botu bubula nae ofi ki he teuga fakavagavaga: bea nae uageau ae bomikaniti nae fakaotu takatakai i he ulu‘i bou e taha.

21 Bea naa ne fokotuu ae ogo bou i he huaga fale fakamalumalu oe fale lotu: bea naa ne fokotuu ae bou fakatoomatau, o ne ui hono higoa ko Jakini: bea naa ne fokotuu hake ae bou fakatoohema, o ne ui hono higoa oona ko Boasi.

22 Bea nae i he gaahi ulu‘i bou ae  fakatātā ki he lili: nae behe ae teuteu o oji ae gaue oe gaahi bou.

¶ 23 Bea naa ne gaohi ae tukuga vai lahi aki ae ukamea haka, koe fuofua ae ataatā o hono gutu, koe haga e uofulu, nae fuo botoboto ia o takatakai hake, bea ko hono maoluga koe haga e hogofulu: bea koe afo nae fua aki a hono takatakai koe haga ia e onogofulu.

24 Bea ki lalo i hono gutu o takatakai hake nae ai ae teuga fuo botoboto, koe taki hogofulu i he haga e ua, nae takatakai ia i he vai: nae teuteu ae teuga fuo botoboto i he otu e ua fakataha moe fakafuofua ia i hono haka oia.

25 Nae tuu ia ki he faga bulu e hogofulu ma ua, nae haga ae tolu ki he feituu tokelau, bea haga ae tolu ki he feituu luluga, bea haga ae tolu ki he feituu toga, bea moe tolu nae haga ki he feituu hahake: bea nae tuku ae tukuga vai lahi ki oluga i ai, bea nae haga a ho nau tuugaiku kotoabe ki loto.

26 Bea ko hono matolu koe nima e taha, bea nae gaohi a hono gutu o hage koe gutu o ha ibu, aki ae fiji akau oe lili: bea ko hono fonu oia koe kaloni e taha mano moe ono afe.

¶ 27 Bea naa ne gaohi ae tuuga e hogofulu aki ae balasa; koe loloa oe tuuga e taha koe haga e valu, bea koe haga e valu a hono māukubu, bea ko hono maoluga koe haga e ono.

28 Bea nae behe ni a hono gaohi oe gaahi tuuga: nae ai ho nau gaahi taba, bea nae tuu a ho nau gaahi taba i he vahaa oe botu bubula:

29 Bea i he gaahi taba nae i he vahaa oe botu bubula nae i ai ae gaahi laione, moe faga bulu moe jeluibimi: bea nae tuu ha tuuga ki oluga i he gaahi botu bubula: bea ki lalo i he gaahi laione moe faga bulu nae ai ae teuga nae gaohi fakamanifinifi.

30 Bea ki he tuuga taki taha nae ai hono mea teka balasa e fa, mo hono takaiaga balasa: bea nae ai hono tokotoaga i hono tuliki e fa: i he lalo aiaga vai nae ai hono tokotoaga, koe ukamea haka, i he botu kehekehe kotoabe.

31 Bea koe ataatā o hono gutu ki oluga bea ki loto i he ulu‘i bou koe haga e ua: ka nae fuo botoboto a hono gutu o hage ko hono gaohi oe tuuga, bea  ko hono fua koe haga e tolu: bea nae tuu ae gaahi mea togitogi ki hono gutu mo ho nau gaahi taba, nae botubotu tatau ka nae ikai ke fuobotoboto.

32 Bea i lalo i he gaahi taba nae ai ae mea teka e fa; bea nae fakamau ki he tuuga ae takaiaga oe gaahi mea teka: bea koe maoluga oe meateka koe haga e tolu.

33 Bea nae tatau ae gaohi oe gaahi meateka moe gaohi oe va‘e oe saliote: koe ukamea haka be kotoabe, a ho nau takaiaga, moe veloaga oe takaiaga, moe mea takai ki tua, bea mo hono gaahi mea fakabasaga.

34 Bea nae ai ae tokotoaga e fa ki he tuliki e fa oe tuuga e taha: bea nae ai ke fakataha aubito ae gaahi tokotoaga bea moe tuuga i ai.

35 Bea i he botu ki oluga oe tuuga nae ai hono mea ki oluga hake koe haga e taha a hono maoluga: bea i oluga i he tuuga nae tatau be moia ae gaohi o hono gaahi botu bubula bea mo hono gaahi taba.

36 He naa ne togitogi i he gaahi mea lafalafa oe botu bubula bea i hono gaahi taba, ae jelubimi moe laione, moe akau koe boga, o fakatatau mo ho nau fuofua taki taha, moe gaahi mea kehekehe o takatakai hake.

37 Nae behe ni a ene gaohi ae tuuga e hogofulu: nae tatau be a ho nau haka, mo ho nau fakafuofua, bea moe nau lahi.

¶ 38 Hili ia naa ne gaohi ae aiaga vai e hogofulu aki ae balasa: koe bito oe aiaga vai taki taha koe kaloni e tolugeau tubu: bea nae valu ae haga oe aiaga vai taki taha: bea ki he tuuga taki taha i he hogofulu nae hili ai ae aiaga vai e taha.

39 Bea naa ne tuku ae tuuga e nima ki he botu toomatau oe fale, bea nima ki he botu fale fakatoohema: bea naa ne tuku ae fuu tukuga vai lahi ki he botu toomatau fakahahake oe fale o hagatonu atu ki he feituu toga.

¶ 40 Bea nae gaohi e Helami ae gaahi aiaga vai, moe gaahi huo, bea moe gaahi ibu luoluo. Nae behe ae fakaoji e Helami a ene fai ae gaue kotoabe aia naa ne teuteu kia Solomone ma ae fale o Jihova:

41 Koe ogo bou, moe teuga fuobotoboto oe ulu‘i bou aia nae i he ulu oe ogo bou; bea moe teuga fakavagavaga e ua ke ufiufi aki ae ogo mea fuobotoboto aia nae i he ulu‘i bou ki he tumuaki oe ogo bou;

42 Bea moe bomikaniti e fageau ke teuga aki ae teuga fakavagavaga e ua, koe taki ua ae otu bomikaniti ki he teuga fakavagavaga e taha, ke ufiufi aki ae ogo teuga fuobotoboto aia nae i he ulu‘i bou e ua;

43 Moe tuuga e hogofulu, bea moe aiaga vai e hogofulu nae hilifaki ki he gaahi tuuga;

44 Moe fuu tukuga vai e taha, moe faga bulu e hogofulu ma ua ki he lalo tukuga vai;

45 Bea moe gaahi kulo, moe gaahi huo, bea moe gaahi ibu luoluo: bea koe gaahi nāunāu ni kotoabe aia nae gaohi e Helami ki he tu‘i ko Solomone ma ae fale o Jihova, nae gaohi aki ia ae balasa gigila.

46 Nae haka mo gaohi aeni kotoabe e he tu‘i i he botu tokalelei o Joatani i he botu oku kelekele umea, i he vahaa o Sukote mo Salitani.

47 Bea nae tuku  tae fakamamafa e Solomone ae gaahi ibu, koeuhi nae lahi aubito ia; bea nae ikai ke ilo a hono mamafa oe balasa.

48 Bea nae gaohi e Solomone ae gaahi nāunāu oe fale o Jihova: koe feilaulauaga koula, moe balebale oe koula aia nae hili ki ai ae ma oe ao,

49 Moe tuugamāma oe koula mooniia, koe nima ki he toomatau, bea koe nima ki he toohema, i he ao oe folofolaaga, bea moe gaahi fijiakau, moe gaahi tuugamāma, bea moe mea hikofi fakakoula,

50 Bea moe gaahi ibu, bea moe helekojimāma, bea moe gaahi ibu luoluo, bea moe gaahi sibuni, bea moe gaahi aiagaafi oe koula mooniia; moe tautauaga mataba koula, ki he gaahi mataba oe fale ki loto, moe botu tobutabu lahi, bea moe gaahi mataba oe fale, io oe fale lotu.

51 Nae behe ae fakaoji ae gaue kotoabe aia nae fai e Solomone koe tu‘i ma ae fale o Jihova. Bea nae fetuku mai e Solomone ae gaahi mea nae fakatabu‘i e Tevita ko ene tamai; io ae siliva, moe koula, moe gaahi ibu, naa ne ai fakataha ia moe gaahi koloa oe fale o Jihova.