¶ 1 BEA nae hoko o behe i he ene oji ae ta‘u, bea i he faahita‘u oku alu atu ai ae gaahi tu‘i  ke tau, nae fekau atu ai e Tevita a Joabe, bea mo ene kakai moia, bea mo Isileli katoa; bea naa nau maumau‘i ae fānau a Amoni, o nau kabui a Laba. Ka nae nofo ai be a Tevita i Jelusalema.

¶ 2 Bea nae hoko o behe i he efiafi e taha, nae tuu hake a Tevita mei hono mohega, bea naa ne eveeva  ki oluga i he tua fale oe tu‘i: bea naa ne mamata mei he tua fale ki he fefine nae fai ene kaukau; bea nae hoihoifua aubito ae fefine ke jio ki ai.

3 Bea nae fekau e Tevita ke fehui be kohai ae fefine. Bea nae tala mai, Ikai ko Batiseba ia, koe ofefine o Iliami, koe unoho o Ulia koe  tagata Heti?

4 Bea nae fekau atu e Tevita ae kau talafekau, o nau omi ia; bea naa ne ha‘u kiate ia, bea naa ne mohe moia; bea nae fakamaa ia mei he ene taemaa: bea nae toe alu ia ki hono fale.

5 Bea nae tuituia ae fefine, bea naa ne fekau ke fakaha kia Tevita, o behe Kuou feitama.

¶ 6 Bea nae fekau atu e Tevita kia Joabe,  o behe, Fekau ke ha‘u kiate au a Ulia koe  tagata Heti. Bea nae fekau a Ulia e Joabe kia Tevita.

7 Bea i he ene hoko mai a Ulia kiate ia, nae eke e Tevita be kuo fefe a Joabe, bea fefe moe kakai, bea kuo fefe ae fai oe tau.

8 Bea nae behe e Tevita kia Ulia, Alu hifo ki ho fale, bea kaukau‘i ho va‘e. Bea nae alu atu a Ulia mei he fale oe tu‘i, bea nae ave o muimui iate ia ae magiji maana mei he tu‘i.

9 Ka nae mohe a Ulia i he vee mataba oe fale oe tu‘i fakataha moe kau tamaioeiki kotoabe o ene eiki, bea nae ikai alu hifo ia ki hono fale.

10 Bea i he e nau fakaha ia kia Tevita, o behe, Nae ikai alu hifo a Ulia ki hono fale, nae behe e Tevita kia Ulia, Ikai naa ke hoko mai mei ha fonoga? bea koeha ai nae ikai te ke alu hifo ki ho fale?

11 Bea nae behe e Ulia kia Tevita, Oku nofo i he gaahi fale fehikitaki ae buha tabu, mo Isileli, bea mo Juta; bea oku abitaga a Joabe ko hoku eiki, moe kakai a hoku eiki, i he ataatā oe fonua; bea teu alu au ki hoku fale ooku, ke kai mo inu, bea ke mohe mo hoku unoho? hage oku ke moui, bea hage oku moui ho laumalie, e ikai teu fai ae mea ni.

12 Bea nae behe e Tevita kia Ulia, Nofo i heni he aho ni foki, bea teu tuku koe ke ke alu abogibogi. Koia nae nofo ai a Ulia i Jelusalema i he aho koia, moe aho e taha.

13 Bea i he ene ui mai ia e Tevita, naa ne kai mo inu i hono ao; bea naa ne fakainu ia ke kona: bea i he ene hoko ki he bouli, naa ne alu atu ke tokoto ki hono mohega, fakataha moe kau tamaioeiki o ene eiki, ka nae ikai alu hifo ia ki hono fale.

14 Bea i he ene bogibogi hake nae hoko o behe, nae fai e Tevita ha tohi kia Joabe, o ne tuku ia ki he nima o Ulia ke ne ave.

15 Bea naa ne tohi i he tohi, o behe, Mou tuku atu a Ulia ke muomua i he malohi oe tau, bea mou toki fakaholomui iate ia, koeuhi ke teia ia ke ne mate.

16 Bea nae hoko o behe, i he ene oji ae vakai oe kolo e Joabe, naa ne tuku a Ulia ki ha botu aia naa ne ilo kuo i ai ae kau tagata to‘a.

17 Bea nae alu atu ae kau tagata oe kolo, bea naa nau tau mo Joabe: bea nae teia ae niihi i he kakai o Tevita; bea nae mate foki a Ulia.

¶ 18 Hili ia nae fekau atu e Joabe o ne fakaha kia Tevita ae mea kotoabe nae kau ki he tau;

19 Bea naa ne fakababau ki he tagata fekau, o behe, Oka oji a hoo tala ki he tu‘i ae mea kotoabe oku kau ki he tau,

20 Bea kabau e tubu ae houhau ae tu‘i, bea ne behe mai kiate koe, Koeha naa mou, fakaofi behe fau ai ki he kolo i he fai oe tau? ikai naa mou ilo te nau fana mei he a?

21 Kohai nae tamate‘i a Abimileki koe foha o Jelubeseti? ikai nae li ae koga maka momoji kiate ia e ha fefine mei he  fuga a, o ne mate ai i Tibesi? koeha naa mou ofi ai ki he a? Bea ke toki behe ekoe, Kuo mate foki a Ulia ko hoo tamaioeiki.

¶ 22 Koia nae alu ai ae talafekau, o ne ha‘u mo fakaha kia Tevita ae mea kotoabe nae fekau ai ia e Joabe.

23 Bea nae behe e he talafekau kia Tevita, Koe mooni nae fai malohi mai ae kau tagata,  o nau ha‘u kitua kiate kimautolu ki he ataatā, bea naa mau tuli atu kiate kinautolu o a‘u ki he huaga oe matani kolo.

24 Bea nae fana mai e he kau tagata fana mei he a ki hoo kau tamaioeiki; bea kuo mate ae niihi i he kau tamaioeiki ae tu‘i, bea kuo mate foki mo hoo tamaioeiki ko Ulia koe  tagata Heti.

25 Bea nae toki behe e Tevita ki he tagata fekau, Te ke lea o behe kia Joabe, Ke oua naa kovi ae mea ni kiate koe, he oku keina noabe e he heleta: ai ke malohi hake ae fai oe tau ki he kolo, bea fakato ia ki lalo: bea ke tokoni koe kiate ia.

¶ 26 Bea i he ene fanogo e he unoho o Ulia kuo bekia a Ulia ko hono unoho, naa ne mamahi koeuhi ko hono unoho.

27 Bea i he ojiage a hono tegihia, nae fekau e Tevita mo ne omi ia ki hono fale, bea naa ne hoko ko hono unoho, bea naa ne fānau‘i ae foha kiate ia. Ka nae kovi i he ao o Jihova ae mea nae fai e Tevita.