¶ 1 BEA nae fekau e Jihova a Natani kia Tevita. Bea naa ne ha‘u kiate ia, o ne behe ki ai, Nae ai ae ogo tagata e toko ua, i he kolo be taha: nae koloaia ae toko taha kae majiva ae toko taha.

2 Nae ma‘u e he koloaia ae faga manu jii moe faga manu lalahi o lahi aubito:

3 Ka nae ikai ha mea i he tagata majiva, ka koe kihi‘i lami fefine be taha, aia naa ne fakatau bea bujiaki: bea nae tubu hake ia moia bea mo ene fānau; bea nae kai ia i he ene meakai aana, bea ne inu mei he ene ibu aana, bea nae tokoto ia ki hono fatafata, bea nae tatau ia kiate ia mo ha ofefine.

4 Bea nae ha‘u ae tagata fonoga ki he tagata koloaia, bea naa ne mamae ke fili mei he ene faga manu jii aana, mo ene faga manu lalahi, ke teuteu ia ma ae tagata fonoga aia nae ha‘u kiate ia; ka naa ne omi ae lami ae tagata majiva, o ne teuteu‘i ia ma ae tagata aia nae ha‘u kiate ia.

5 Bea nae tubu o vela lahi ae houhau a Tevita ki he tagata; bea naa ne behe kia Netane, Hage oku moui a Jihova, oku totonu ke mate ae tagata aia kuo fai ae mea ni:

6 Bea e totogi ia ae lami ke liuga fa, koeuhi ko ene fai ae mea ni, bea koeuhi nae ikai iate ia ha agaofa.

¶ 7 Bea nae behe atu e Netane kia Tevita, Ko koe ae tagata koia. Oku behe e Jihova koe Otua o Isileli, naaku bani lolo koe ke ke tu‘i i Isileli, bea naaku fakamoui koe mei he nima o Saula;

8 Bea naaku tuku kiate koe ae fale o hoo eiki, beau tuku ki ho fatafata ae gaahi unoho o hoo eiki, beau atu kiate koe ae fale o Isileli bea mo Juta; bea ka ne jii ia, behe teu foaki kiate koe moe gaahi mea kehekehe.

9 Ka koeha kuo ke baetaku ai ki he fekau a Jihova, ke fai ae kovi i hono ao? kuo ke tamate‘i a Ulia koe  tagata Heti i he heleta, bea kuo ke omi a hono unoho ke unoho mo koe, bea kuo ke tamate‘i ia aki ae heleta oe fānau a Amoni.

10 Bea koeni foki, e ikai mahui ae heleta mei ho fale o taegata; koeuhi kuo ke manuki kiate au, bea kuo ke omi ae unoho o Ulaia koe tagata Heti, ke hoko ko ho unoho.

11 Oku behe e Jihova, Vakai, teu fakatubu hake ae kovi kiate koe mei ho fale be oou, bea teu too atu mei ho ao a ho gaahi unoho, o atu akinautolu ki ho kaugaabi, bea e mohe ia mo ho gaahi unoho i he ao oe laa ni.

12 He naa ke fai fufu ia e koe: ka teu fai eau ae mea ni i he ao o Isileli katoa, bea i he ao oe laa.

13 Bea nae behe e Tevita kia Natani, Kuou fai ae agahala kia Jihova. Bea nae behe e Netane kia Tevita, Kuo ave foki e Jihova a hoo agahala; e ikai te ke mate.

14 Ka koeni, koeuhi kuo ke tuku ha tuuga i he mea ni ke lauikovi ai a Jihova e hono gaahi fili, e mate mooni ae tamajii kuo fanau‘i kiate koe.

15 Bea nae alu a Netane ki hono fale. Bea nae ta‘i e Jihova ae tamajii aia nae fanau e he unoho o Ulia kia Tevita, bea nae mahaki lahi ia.

16 Koia nae kole ai a Tevita ki he Otua koeuhi koe tamajii; bea nae fai ae aukai e Tevita, bea ne alu o tokoto ki he fuga kelekele i he bo o aho.

17 Bea nae tutuu hake ae kau mātua o hono fale kiate ia, ke hiki hake ia mei he kelekele: ka nae ikai loto ia ki ai, bea nae ikai te ne kai ha mea mo kinautolu.

18 Bea nae hoko o behe, nae bekia ae tamajii ki hono fitu oe aho. Bea nae manavahe ae kau tamaioeiki a Tevita ke tala kiate ia kuo bekia ae tamajii: he naa nau behe, Vakai, i he ene kei moui ae tamajii, naa mau lea kiate ia, bea nae ikai fie tokaga ia ki ho mau le‘o: kae hua noa a ene fakamamahi ia, o kabau te mau tala kiate ia kuo bekia ae tamajii?

19 Ka i he ene mamata a Tevita ki he fefanafanahi a ene kau tamaioeiki, nae ilo ai e Tevita kuo bekia ae tamajii; koia nae behe ai e Tevita ki he ene kau tamaioeiki, Kuo bekia ae tamajii? Bea naa nau behe, Kuo bekia.

20 Bea nae toki tuu hake a Tevita mei he kelekele, bea ne kaukau mo tākai ia, bea naa ne fetogi hono kofu, bea nae ha‘u ia ki he fale o Jihova, bea fai ene hu: bea hili ia naa ne ha‘u ki hono fale oona; bea i he fai ene fekau, naa nau omi ae meakai ki hono ao, bea naa ne kai.

21 Bea nae toki behe ai e he ene kau tamaioeiki kiate ia, Koeha ae mea koeni aia kuo ke fai? naa ke aukai mo tagi koeuhi koe tamajii i he ene kei moui; ka i he ene bekia ae tamajii, naa ke tuu hake mo ke kai ae meakai.

22 Bea nae beheage eia, Lolotoga ae kei moui ae tamajii, naaku aukai mo tagi: he naaku behe, Kohai oku ilo, naa e aloofa ae Otua kiate au, koeuhi ke moui ae tamajii?

23 Ka koeni kuo ne mate, bea koe umaa a eku aukai? he teu faa fai ke toe omi ia? teu alu atu kiate ia ka e ikai toe ha‘u ia kiate au.

24 Bea nae fakafiemalie‘i e Tevita a hono unoho ko Batiseba, bea naa ne aluage kiate ia, mo ne mohe moia: bea naa ne fanau‘i ae tama tagata, bea naa ne fakahigoa ia ko Solomone; bea nae ofeina ia e Jihova.

25 Bea naa ne fekau kiate ia ia Netane koe balofita; bea naa ne fakahigoa ia ko Jitaia, koeuhi ko Jihova.

¶ 26 Bea nae fai ae tau e Joabe ki Laba oe fānau a Amoni, mo ne kabaji ae kolo oe tu‘i.

27 Bea nae ave e Joabe ae kau talafekau kia Tevita, o ne behe, Kuou tau ki Laba, bea kuo kabaji ae kolo oe gaahi vai.

28 Koia foki, tanaki mai ae toega oe kakai, bea fakanofo ae tau ki he kolo, bea lava‘i ia: telia naaku lava‘i eau ae kolo, bea e fakahigoa ia ki hoku higoa ooku.

29 Bea nae tanaki fakataha e Tevita ae kakai kotoabe, bea ne alu ki Laba, bea ne tau ki ai, o ne hamu ia.

30 Bea naa ne too ae tatā fakatu‘i mei he fofoga o ho nau tu‘i, ko hono mamafa koe taleniti e taha oe koula fakataha mo hono gaahi maka mahuiga: bea nae ai ia ki he fofoga o Tevita. Bea naa ne fetuku kitua ae koloa vete oe kolo o lahi aubito.

31 Bea naa ne omi kitua ae kakai nae i ai, o ne tuku akinautolu ki he lalo kili, bea ki lalo i he gaahi mea toho vagavaga hae gaohi aki ae aione, bea ki lalo i be gaahi toki ukamea, bea naa ne bule ke nau alu atu i he lotolotoga oe tutuaga maka‐umea: bea nae behe be a ene fai ki he gaahi kolo kotoabe oe fānau a Amoni. Bea nae liu mai ki Jelusalema a Tevita bea moe kakai kotoabe.