¶ 1 BEA nae toki ha‘u ai ae gaahi faahiga kotoabe o Isileli kia Tevita i Hebeloni, o nau lea, o behe, Vakai, oku mau o ho hui, bea mo ho kakano.

2 Bea i he kuoga kuo hili foki, aia nae tu‘i ai a Saula kiate kimautolu, ko koe ia naa ke tataki atu mo toe omi a Isileli; bea nae behe e Jihova kiate koe, Te ke fafaga a hoku kakai ko Isileli, bea te ke bule koe ki Isileli.

3 Koia nae ha‘u ai ae kau mātua kotoabe o Isileli ki he tu‘i i Hebeloni; bea nae fai e Tevita ae fuakava mo kinautolu i Hebeloni i he ao o Jihova; bea naa nau bani a Tevita aki ae lolo ke ne tu‘i i Isileli.

¶ 4 Nae tolugofulu ta‘u a Tevita i he ene kamata bule, bea naa ne bule i he ta‘u e fagofulu.

5 Naa ne bule i Hebeloni ki Juta i he ta‘u e fitu moe mahina e ono: bea naa ne bule ki Isileli kotoa bea mo Juta, i Jelusalema i he ta‘u e tolugofulu ma tolu.

¶ 6 Bea nae alu ae tu‘i mo ene kau tagata ki Jelusalema ki he kakai Jebusi, koe kakai oe fonua: akinautolu nae lea o behe kia Tevita, Kabau e ikai te ke ave ae kui moe ketu, e ikai jii te ke hu mai ki heni: he naa nau behe, E ikai faa ha‘u a Tevita ki heni.

7 Ka ne ogo ia, nae lava‘i e Tevita ae kolo malohi ko Saione; bea koia koe kolo o Tevita.

8 Bea nae behe e Tevita i he aho koia, Iloga ia e hoko hake ki he buke oe kolo, o ne ta‘i ae kau Jebusi, bea moe ketu moe kui aia oku fehia ki ai ae laumalie o Tevita,  e hoko ia koe tuu ki mua moe eiki bule, koe mea i he e nau behe, E ikai hoko ki fale ae kui moe ketu.

9 Bea nae behe ae nofo a Tevita i he kolo tau, bea naa ne ui ia koe kolo o Tevita. Bea nae laga takatakai  ae kolo e Tevita mei Milo o fai mai ki loto.

10 Bea nae alualu ai be a Tevita, o ne fakaaau o lahi, bea nae kau moia a Jihova koe Otua oe gaahi kau tau.

¶ 11 Bea nae fekau atu e Helami koe tu‘i o Taia ae kau talafekau kia Tevita, moe gaahi akau koe sita, moe kau tufuga akau, moe kau tufuga maka: bea naa nau laga ha fale kia Tevita.

12 Bea nae ilo e Tevita kuo fakababau ia e Jihova koe tu‘i ki Isileli, bea kuo ne fakamaoluga a hono buleaga koeuhi ko hono kakai ko Isileli.

¶ 13 Bea nae omi o fakatokolahi kiate ia e Tevita ae jinifu moe gaahi unoho mei Jelusalema, i he hili a ene ha‘u mei Hebeloni: bea nae toe fanau kia Tevita ae gaahi foha moe gaahi ofefine.

14 Bea koe higoa eni okinautolu nae fanau kiate ia i Jelusalema; ko Samua, mo Sobabi mo Natani, bea mo Solomone.

15 Ko Ibia foki, mo Ilisua, mo Nefeki, mo Jafia,

16 No Ilisama, mo Iliata, bea mo Ilifileti.

¶ 17 Kae i he fanogo e he kakai Filisitia kuo fakanofo a Tevita ke tu‘i i Isileli, nae ha‘u ae kakai Filisitia kotoabe ke kumi kia Tevita; bea nae ogo‘i ia e Tevita, o ne alu hifo ki he kolo malohi.

18 Nae ha‘u foki ae kakai Filisitia o nau fakamafola akinautolu i he telea o Lefeimi.

19 Bea nae fehui e Tevita kia Jihova, o behe, Teu alu hake ki he kakai Filisitia? Te ke tuku mai akinautolu ki hoku nima? Bea nae behe e Jihova kia Tevita, Alu hake: he koe mooni teu tuku ae kakai Filisitia ki ho nima.

20 Bea nae ha‘u a Tevita ki Beali‐bilasimi, bea nae ta‘i akinautolu i ai e Tevita, mo ne behe, Kuo mea atu a Jihova ki hoku gaahi fili i hoku ao, o hage koe ba atu ha gaahi vai. Koia nae ui ai ae bigoa oe botu koia ko Beali‐bilasimi.

21 Bea naa nau tuku ho nau gaahi tamabua i ai, bea nae tutu ia e Tevita bea mo hono kau tagata.

¶ 22 Bea nae toe ha‘u foki ae kakai Filisitia, o nau fakamafola akinautolu i he telea o Lefeimi.

23 Bea i he ene fehui e Tevita kia Jihova, naa ne fakaha mai, E ikai te ke alu hake; kae alu fakatakamilo ki mui iate kinautolu, bea ke hoko mai kiate kinautolu o feouga moe gaahi akau koe molibeli.

24 Bea tuku ke behe, oka ke ka fanogo ki he mumuhu i he ulu‘i akau molibeli, te ke toki gau‘e koe: koeuhi e toki muomua atu a Jihova iate koe, ke teia ae kau tau oe kakai Filisitia.

25 Bea nae fai ia e Tevita o hage koia nae fekau e Jihova kiate ia; bea nae ta‘i ae kakai Filisitia mei Keba o a‘u atu aubito ki Kesa.