¶ 1 BEA nae toe tanaki fakataha e Tevita ae kau ogoogoa i Isileli, koe toko tolu mano.

2 Bea nae tuu hake a Tevita, bea ne alu ia moe kakai nae iate ia mei Beali i Juta, ke omi mei ai ae buha tabu oe Otua, aia oku fakahigoa ki he huafa, o Jihova oe gaahi toko lahi, aia oku nofo i he vahaa oe jelubimi.

3 Bea naa nau fakaheka ae buha oe Otua ki he saliote foou, o nau omi ia ki he fale o Abinatabi aia nae i Kibea: bea nae fakahinohino‘i ae saliote foou e Usa mo Ahio koe ogo foha o Abinatabi.

4 Bea naa nau omi ia kitua mei he fale o Abinatabi aia nae i Kibea: o nau o moe buha oe Otua: bea nae muomua a Ahio i he buha.

5 Bea nae ta e Tevita moe fale kotoabe o Isileli ae gaahi mea faiva kehekehe nae  gaohi mei he akau koe baine, io ae gaahi haabe moe utete, moe lali iki, moe mea ifi, moe simibale.

¶ 6 Bea i he e nau hoko mai ki he botu hahaaga uite o Nakoni, nae ala atu e Usa ki he buha oe Otua, mo ne buke ki ai, koeuhi nae fakagalulu ia e he faga bulu.

7 Bea nae tubu ai ae houhau a Jihova kia Usa; bea nae ta‘i ia i ai e he Otua koeuhi ko ene fai hala; bea naa ne mate i he botu koia o ofi ki he buha oe Otua.

8 Bea nae ita a Tevita koeuhi koe teia a Usa e Jihova: bea naa ne fakahigoa ae botu koia ko Belesi‐usa, o a‘u mai ki he aho ni.

9 Bea nae manavahe a Tevita kia Jihova i he aho koia, mo ne behe, E omi fakafefe ae buha tabu o Jihova kiate au?

10 Koia nae ikai loto a Tevita ke omi kiate ia ae buha o Jihova ki he kolo o Tevita: ka nae ave o afe aki ia e Tevita ki he fale o Obeti‐itomi koe tagata Kati.

11 Bea nae nofo ae buha o Jihova i he fale o Obeti‐itomi koe tagata Kati i he mahina e tolu: bea nae tabuaki e Jihova a Obeti‐itomi, bea mo hono kauga fale kotoabe.

¶ 12 Bea nae fakaha kia Tevita, o behe, Kuo fakamonuia ae fale o Obeti‐itomi, moia kotoabe oku aana, koeuhi koe buha tabu oe Otua. Koia nae alu ai a Tevita o ne omi ae buha oe Otua mei he fale o Obeti‐itomi ki he kolo o Tevita, moe fiefia.

13 Bea nae behe, i he laka atu akinautolu nae fua ae buha o Jihova i he lakaaga e ono, naa ne feilaulau aki ae faga bulu moe faga manu jino.

14 Bea nae mee a Tevita i he ao o Jihova aki a ene malohi katoa; bea nae kofu aki a Tevita ae efoti oe tubenu lelei.

15 Koia nae omi ae buha o Jihova e Tevita moe fale kotoabe o Isileli, i he kalaga, moe ifi aki ae mealea.

16 Bea i he ene hoko atu ae buha o Jihova ki he kolo o Tevita, nae jio a Mikale koe ofefine o Saula mei he katuba, bea ne mamata kia Tevita nae hobo mo mee i he ao o Jihova; bea naa ne manuki ia i hono loto.

¶ 17 Bea naa nau omi ki loto ae buha o Jihova, o tuku ia ki hono botu, i he lotolotoga oe fale fehikitaki, aia nae gaohi ki ai e Tevita: bea nae atu e Tevita ae gaahi feilaulau tutu, moe gaahi feilaulau fakamelino i he ao o Jihova.

18 Bea i he ene hili leva ae atu e Tevita ae gaahi feilaulau tutu moe gaahi feilaulau fakamelino, naa ne tabuaki ae kakai i he huafa o Jihova oe gaahi toko lahi.

19 Bea naa ne tufaki atu ki he kakai kotoabe, ki he fuu toko lahi kotoabe o Isileli, ki he kau fefine bea moe kakai tagata, koe taki taha ha foi ma, mo ha koga lahi oe kanomate, mo ha hina uaine. Bea nae alu ae kakai kotoabe o taki taha ki hono fale oona.

¶ 20 Hili ia nae foki mai a Tevita ke takuaki‘i a hono kauga nofoaga. Bea nae ha‘u ki tua a Mikale koe ofefine o Saula, ke ne fetaulaki mo Tevita, mo ne behe eia, Hono ikai galigali eiki ae tu‘i o Isileli he aho ni, aia naa ne fakatelefua‘i ia he aho ni i he ao oe kau fefine o ene kau tamaioeiki, o hage koe fakatelefua oku fai e ha toko taha oku fakalaukau moe taeagama!

21 Bea nae behe e Tevita kia Mikale,  Nae fai ia i he ao o Jihova, aia naa ne fili au i he ao o hoo tamai moe ao o hono fale kotoabe, ke ne fakanofo au koe bule ki he kakai o Jihova, ki Isileli: koia teu fakafiefia ai i he ao o Jihova.

22 Bea teu fai keu mata kovi lahi hake i he mea ni, bea teu matamata kovi i hoku ao ooku: bea koe kau kaunaga kuo ke lea ki ai, e fakahikihiki au ekinautolu.

23 Koia nae ikai fanau ai ha tamajii e Mikale koe ofefine o Saula o a‘u ki he aho o ene bekia.