¶ 1 BEA hili eni nae hoko o behe, nae teia e Tevita ae kakai Filisitia, o  ne ikuna akinautolu: bea nae ma‘u e Tevita a Metekiama mei he nima oe kakai Filisitia.

2 Bea naa ne ta‘i a Moabe, mo ne fuofua akinautolu aki ae afo, mo ne li hifo akinautolu ki he kelekele; io, koe fuaaga e ua ke fai ai ae tamate, bea koe fuaaga katoa e taha ke fakamoui. Bea nae hoko ae kakai Moabe, koe kau hoboate kia Tevita, moe tukuhau.

¶ 3 Nae ta‘i foki e Tevita a Hetatesa koe foha o Lehobi, koe tu‘i o Soba, i he ene alu atu ke toe ma‘u mai hono gataaga  fonua ki he vaitafe ko Iufaletesi.

4 Bea nae ma‘u meiate ia e Tevita ae  jaliote e taha afe, moe kau heka hose e toko fitugeau, moe kakai haele e toko ua mano: bea nae tuuji e Tevita ae uoua oe va‘e oe  faga hose oe jaliote kotoabe, ka nae tuku eia ae hose ki he jaliote e teau.

5 Bea i he ene ha‘u ae kakai Silia mei Tamasikusi ke tokoni kia Hetatesa koe tu‘i o Soba, nae tamate‘i e Tevita i he kakai Silia ae toko ua mano moe toko ua afe.

6 Bea nae toki tuku e Tevita ae kau tau ke leo i Silia o Tamasikusi: bea nae hoko ae kakai Silia koe kau hoboate kia Tevita, bea  naa nau omi ae gaahi koloa  kiate ia. Bea nae fakahaofi a Tevita e Jihova i he botu kotoabe naa ne alu ki ai.

7 Bea nae too mai e Tevita ae gaahi ba fakakoula aia nae ai e he kau tamaioeiki a Hetatesa, o ne omi ia ki Jelusalema.

8 Bea nae lahi aubito ae balasa nae omi e Tevita koe tu‘i mei Beta bea mei Betotai koe ogo kolo o Hetatesa.

¶ 9 Bea i he ene fanogo e Toi koe tu‘i o Hemati‘ ki he teia e Tevita ae kau tau kotoabe o Hetatesa,

10 Nae toki ave ai e Toi a Jolami ko hono foha kia Tevita koe tu‘i, ke feiloaki moia, bea ke fakamalo kiate ia, koeuhi ko ene tau‘i a Hetatesa, mo ne teia ia: he nae faa tau a Hetatesa mo Toi. Bea nae ave mo  Jolami ae gaahi ibu siliva, moe gaahi ibu koula, moe gaahi ibu balasa:

11 Aia foki nae fakatabu‘i e Tevita kia Jihova, fakataha moe siliva moe koula aia naa ne fakatabu‘i mei he gaahi buleaga kotoabe naa ne ikuna;

12 Mei Silia, bea mei Moabe, bea moe fānau a Amoni, bea moe kakai Filisitia, bea mo Amaleki, bea mei he koloa a Hetatesa, koe foha o Lehobi, koe tu‘i o Saba.

13 Bea nae ogoogoa ae higoa o Tevita i he ene liliu mai mei he ene ta‘i ae kakai Silia i he telea oe masima, koe toko taha mano moe toko valu afe.

¶ 14 Bea naa ne tuku ae kau tau ke leo ki Itomi; i he botu kotoabe o Itomi naa ne tuku ae kau tau ke leohi bea nae toka mai ae kakai kotoabe o Itomi kia Tevita. Bea nae fakahaofi a Tevita e Jihova i he botu kotoabe naa ne alu ki ai.

15 Bea nae bule a Tevita ki Isileli kotoa; bea nae fai e Tevita ae fakamāu mo fai totonu ki he ene kakai kotoabe.

16 Bea nae bule ae kau tau e Joabe koe tama o Seluia; bea koe tagata nae tohi ae mea fakabuleaga ko Jihosafate koe foha o Ahilute;

17 Bea nae taulaeiki a Satoki koe foha o Ahitube, bea mo Ahimeleki koe foha o Abiata; bea koe tagata tohi a Selaia;

18 Bea nae bule a Benaia koe foha o Jehoiata ki he kakai Keliti bea moe kakai Beleti fakatouoji; bea nae tuu ki mua i he bule ae gaahi foha o Tevita.