¶ 1 BEA nae behe mai e Jihova kiate au i he kuoga koia, Ke ke ta mai ae ogo maka lafalafa o hage koe uluaki, bea ke alu hake kiate au ki he mouga, bea ke gaohi kiate koe ha buha akau.

2 Bea teu tohi ki he ogo maka lafalafa ae gaahi lea nae i he uluaki maka aia naa ke maumau‘i, bea te ke ai ia ki he buha.

3 Bea neu gaohi ae buha oe akau koe sitimi, beau tātā ae ogo maka lafalafa o hage koe uluaki, beau alu hake ki he mouga, nae i hoku nima ae ogo maka lafalafa.

4 Bea nae tohi eia ki he ogo maka lafalafa o fakatatau ki he uluaki tohi, koe fekau e hogofulu, aia nae folofola aki e Jihova kiate kimoutolu i he mouga mei he lotolotoga oe afi i he aho oe fakataha: bea nae tuku mai ia e Jihova kiate au.

5 Bea naaku tafoki au o alu hifo mei he mouga, beau ai ae ogo maka lafalafa ki he buha naaku gaohi; bea oku i ai ia, o hage koe fekau a Jihova kiate au.

¶ 6 Bea nae hiki e he fānau a Isileli a ho nau fonoga mei Biheloti oe fānau a Jekani ki Mosela: bea nae bekia ai a Elone, bea nae tanu ia i ai; bea nae togia ia e Eliesa ko hono foha i he gaue fakataulaeiki.

7 Bea naa nau fonoga mei ai ki Kotikota; bea mei Kotikota ki Jotibati, koe fonua oe gaahi vai tafe.

¶ 8 Bea i he gaahi aho koia nae vahe‘i e Jihova ae faahiga o Livai, ke haamo ae buha oe fuakava o Jihova, ke tuu i he ao o Jihova ke tauhi kiate ia, mo tabuaki‘i i hono huafa, o a‘u ki he aho ni.

9 Koia oku ikai ma‘u ai ha tufakaga be ha tofia e Livai fakataha mo hono kaiga; ko hono tofia oona a Jihova, o hage koe talaofa kiate ia e Jihova ko ho Otua.

10 Bea neu tatali i he mouga, i he aho e fagofulu moe bo e fagofulu, o hage koe fuofua fai; bea nae tokaga kiate au a Jihova i he kuoga foki koia, bea nae ikai fie fakaauha akimoutolu e Jihova.

11 Bea nae behe e Jihova kiate au, Tuu hake, o fonoga atu i he ao oe kakai, koeuhi ke nau alu atu o ma‘u ae fonua, aia naaku fuakava ai ki he e nau gaahi tamai ke foaki kiate kinautolu.

¶ 12 Bea koeni, E Isileli, koeha ia oku fekau ai e Jihova ko ho Otua kiate koe, ka ke manavahe kia Jihova ko ho Otua, ke alu i hono gaahi hala kotoabe, bea ke ofa kiate ia, bea ke tauhi a Jihova ko ho Otua aki ho loto kotoa bea mo ho laumalie kotoa.

13 Ke tauhi ae gaahi fekau a Jihova, mo ene gaahi tuutuuni, aia oku ou fekau kiate koe he aho ni ke ke lelei ai?

14 Vakai, koe lagi moe lagi oe gaahi lagi oku o Jihova ko ho Otua, ko mamani foki, mo ia kotoabe oku i ai.

15 Ka nae finagalo lelei a Jihova ki hoo gaahi tamai ke ofa kiate kinautolu, bea naa ne fili ho nau hako kimui iate kinautolu, io ko kimoutolu i he kakai kotoabe, o hage koia he aho ni.

16 Koia ke mou kamu‘i ae kili o ho mou loto, bea oua te mou kei kia kekeva.

17 He ko Jihova ko ho mou Otua koe Otua ia oe gaahi otua, moe Eiki ia oe gaahi eiki, koe Otua lagilagi, koe mafimafi, mo fakailifia, aia oku ikai filifilimanako ki he kakai, be ma‘u ha totogi:

18 Oku ne fakamāu eia ma ae tamai mate moe fefine baea, oku ofa ia ki he muli, o ne foaki ki ai ae meakai moe kofu.

19 Koia mou ofa foki ki he muli: he naa mou nofo koe kau muli i he fonua ko Ijibite.

20 Ke ke manavahe kia Jihova ko ho Otua; koia be ke ke tauhi, bea ke bikitai kiate ia be, bea fuakava ki hono huafa.

21 Ko ho vikivikiaga ia, bea ko ho Otua ia, aia kuo ne fai maau ae gaahi mea lahi mo fakamanavahe, aia kuo mamata ki ai a ho mata.

22 Nae alu hifo a hoo gaahi tamai ki Ijibite koe kakai e toko fitugofulu; bea ko eni kuo gaohi koe e Jihova ko ho Otua ke tatau moe gaahi fetuu oe lagi ho mou toko lahi.