¶ 1 KOE fānau akimoutolu a Jihova ko ho mou Otua: oua naa mou tafa‘i akimoutolu, be fafai ho mou foi lae koeuhi koe bekia.

2 He koe kakai maonioni koe kia Jihova ko ho Otua, bea kuo fili koe e Jihova ke hoko koe kakai ofeina kiate ia, o lahi hake i he gaahi buleaga kotoabe aia oku i he fuga o mamani.

¶ 3 Oua naa ke kai ha mea fakalielia e taha.

4 Ko eni ae faga manu ke mou kai: koe bulu, moe sibi, bea moe koji.

5 Koe haate, moe anitelobe, moe tia moe koji kai vao, moe tisone, moe bulu oe vao, moe semela.

6 Bea moe manu kotoabe oku mavaeua ae aofiva‘e, mo vahevahe ke ua hono bejibeji, mo lamu agaua ene kai i he faga manu, koia ke mou kai.

7 Ka koia i ai oku lamu agaua ene kai, bea moia oku mavaeua ae va‘e; o hage koe kameli, moe hea, moe labiji: he oku nau lamu agaua e nau kai, ka oku ikai mavaeua ho nau aofiva‘e: koia ia oku taemaa kiate kimoutolu.

8 Bea koe buaka, oku vahevahe hono bejibeji, ka oku ikai te ne lamu agaua ene kai, oku taemaa ia kiate kimoutolu: oua naa mou kai ho nau kakano, be ala ki ho nau jino mate.

¶ 9 Ko eni ia i he mea moui kotoabe oku i he vai te mou kai: koia kotoabe oku kaboga mo uno te mou kai:

10 Bea koia kotoabe oku ikai kaboga mo uno oua naa mou kai: oku taemaa ia kiate kimoutolu.

¶ 11 I he manu maa kotoabe oku kabakau te mou kai.

12 Ka ko kinautolu ni oua naa mou kai: koe ikale moe osifaleji moe osibale,

13 Moe kaite, moe volita i hono faahiga,

14 Moe leveni kotoabe i hono faahiga,

15 Moe lulu, moe taiseni oe bouli, moe kuko, moe taiseni i hono faahiga.

16 Koe beka, moe lulu lahi, moe suani,

17 Moe lofa, moe jia‐ikale, moe komolanite,

18 Moe sitoaki, moe motuku i hono gaahi faahiga, moe labiuigi, moe bekalu.

19 Moe gaahi mea totolo kotoabe oku buna, oku taemaa ia kiate kimoutolu: oua naa kai ia.

20 Ka koe gaahi manu kabakau kotoabe oku maa ke mou kai.

¶ 21 Oua naa mou kai ha mea e taha oku mate mahaki be; ke ke atu ia ki he muli oku i ho lotoa, koeuhi ke ne kai ia; bea ke fakatau ia ki he muli: he koe kakai maonioni koe kia Jihova ko ho Otua. Oua naa ke haka ae uhiki‘i manu i he huhua o ene fa‘e.

22 Ke ke tukuhau mooni aki hono tubu kotoabe o hoo tega, aia oku tubu i he goue i he ta‘u tuku fakaholo.

23 Bea ke kai i he ao o Jihova ko ho Otua, i he botu aia e fili eia ke tuku ki ai hono huafa, hono vahe hogofulu o hoo uite, mo hoo uaine, bea mo hoo lolo, moe gaahi uluaki fanau o hoo faga manu lalahi, bea i hoo faga manu jii; koeuhi ke ke ilo ke manavahe mau ai be kia Jihova ko ho Otua.

24 Bea kabau oku loloa fau ae hala kiate koe, koia oku ikai ai te ke faa fua ia ki ai; be oku mamao aubito meiate koe ae botu aia e fili e Jihova ko ho Otua ke tuku ki ai hono huafa, i he hili hono tabuaki‘i koe e Jihova ko ho Otua:

25 Te ke toki ma‘u aki ia ae baaga, bea ke nonoo ae baaga i ho nima, bea ke alu ki he botu aia e fili e Jihova ko ho Otua:

26 Bea ke atu ae gaahi baaga koia ki he mea kotoabe oku ke holi ki ai, ae faga bulu, be koe sibi, be koe uaine, be koe inu malohi, be koe mea oku ke holi ki ai; bea te ke kai ai i he ao o Jihova ko ho Otua, bea te ke fiefia, akoe, bea mo ho kauga nofoaga,

27 Bea moe Livai oku i ho lotoa; oua naa ke liaki ia; he oku ikai hano vahe be tofia mo kimoutolu.

¶ 28 I he gataaga o hono tolu ta‘u, te ke omi ae vahe hogofulu kotoabe kuo tubu kiate koe i he ta‘u koia, bea te ke fokotuu ia i ho lotoa:

29 Bea koe Livai, (koe mea i he ikai hano vahega be tofia fakataha mo koe,) moe muli, moe tamai mate, moe nitou, aia oku i ho gaahi lotoa, e ha‘u ia, o kai bea fiemalie; koeuhi ke tabuaki‘i koe e Jihova ko ho Otua i he gaahi gaue kotoabe a ho nima aia oku ke fai.