¶ 1 KABAU oku tubu hake meiate kimoutolu ha taha oku kikite, be koe toko taha oku miji ae gaahi miji, bea tuku kiate koe ha fakailoga be ha mea fakaofo,

2 Bea e hoko ae fakailoga be koe mea fakaofo aia naa ne lea ki ai, bea behe eia, Ke tau alu o muimui i he gaahi otua kehe, aia nae ikai te ke ilo, bea ke tau tauhi akinautolu;

3 Oua naa ke tokaga ki he lea ae kikite koia, be koe toko taha koia oku miji ae gaahi miji: he oku ahiahi‘i akimoutolu e Jihova ko ho mou Otua, ke ilo be te mou ofa kia Jihova ko ho mou Otua aki ho mou loto kotoa mo ho mou laumalie kotoa:

4 Ke mou muimui ia Jihova ko ho mou Otua, bea manavahe kiate ia, bea tauhi ene gaahi fekau, bea fai talagofua ki hono le‘o, bea ke mou tauhi ia, bea bikitai kiate ia.

5 Bea koe kikite koia, be koe toko taha oku miji ae gaahi miji koia, e tamate‘i ia; koe mea i he ene lea ke fakatafoki akimoutolu mei a Jihova ko ho mou Otua, aia naa ne omi akimoutolu mei he fonua ko Ijibite, o ne huhui akimoutolu mei he fale fakabobula, ke fakahe‘i koe mei he hala aia nae fekau e Jihova ko ho Otua ke ke alu ai. Bea e behe be hoo tukuage ae kovi meiate koe.

¶ 6 Kabau oku fakahekeheke fakafufu kiate koe e ho tokoua, koe tama a hoo fa‘e, be ko ho foha, be ko ho ofefine, be koe unoho o ho fatafata, be ko ho kaumea aia oku tatau mo ho laumalie oou, o behe, Ke ta o o tauhi otua kehe, aia nae ikai te ke ilo‘i, e koe, be e hoo gaahi tamai;

7 I he gaahi otua oe kakai aia oku nofo takatakai iate kimoutolu be oku  nau ofi kiate koe, be oku mamao atu iate koe, mei he gataaga e taha o mamani o a‘u atu ki he gataaga e taha;

8 Oua naa ke tui kiate ia, be fie tokaga ki ai; bea ke oua naa ofa ho mata kiate ia, bea oua naa ke mamae ki ai, bea oua naa ke fufu ia:

9 Ka ke tamate‘i mooni ia; e tomua hoko ho nima kiate ia ke tamate‘i ia, bea toki hoko ki ai ae nima oe kakai kotoabe.

10 Bea te ke tologaki aki ia ae maka, ke ne mate; koe mea i he ene ahiahi ke fakahe‘i koe mei a Jihova ko ho Otua, aia naa ne omi koe mei he fonua ko Ijibite, mei he fale oe bobula.

11 Bea e fanogo ki ai a Isileli kotoabe, bea manavahe, bea e ikai toe fai ha agakovi behe iate kimoutolu.

¶ 12 Kabau te ke fanogo ki he talanoa i ha kolo e taha, aia kuo foaki e Jihova kiate koe ke ke nofo ai, o behe,

13 Koe kau tagata niihi, koe fānau ae kovi, kuo alu iate kimoutolu, bea kuo nau fakahe‘i ae kakai oe nau kolo, o behe, Ke tau o o tauhi ae gaahi otua kehe, aia nae ikai te mou ilo;

14 Te ke toki fehui koe, o faa eke, fehui fakababau; bea vakai, kabau oku mooni, bea kuo bau aubito ae mea koia, bea kuo fai ae mea kovi lahi koia iate kimoutolu;

15 Koe mooni te ke teia ae kakai oe kolo koia aki ae mata oe heleta, o fakaauha aubito ia, mo ia kotoabe oku i ai, moe gaahi faga manu oku i ai, aki ae mata oe heleta.

16 Bea te ke tanaki hono vete kotoabe ki he loto hala motua, bea ke tutu aki ae afi ae kolo koia, bea moe vete kotoabe o ia, koeuhi ko Jihova ko ho Otua: ka e hoko ia koe tafugofuga be o taegata; e ikai toe laga ia.

17 Bea ke oua naa biki ki ho mou nima ha mea jii i he gaahi mea fakamalaia, koeuhi ke tafoki a Jihova mei hono lahi fau o hono houhau, bea fakaha ae aloofa kiate koe, bea manavaofa kiate koe, bea fakatokolahi koe, o hage ko ene fuakava ki hoo gaahi tamai;

18 Oka ke ka tokaga ki he le‘o o Jihova ko ho Otua, ke tauhi ene gaahi fekau kotoabe aia oku ou fekau kiate koe he aho ni, ke fai aia oku totonu i he ao o Jihova ko ho Otua.