¶ 1 OUA naa ke feilaulau aki kia Jihova ko ho Otua ha bulu, be ha sibi, aia oku ai hano mele, be ha momo‘i kovi: he koe mea kovi ia kia Jihova ko ho Otua.

¶ 2 Kabau oku ilo iate kimoutolu, i ha kolo aia oku tuku mai e Jihova ko ho Otua kiate koe, ha tagata be ha fefine, aia kuo fai eia ae agakovi i he ao o Jihova ko ho Otua, i he fai talagataa ki he ene fuakava,

3 Bea kuo alu ia o tauhi otua kehe, bea lotu ki ai, be koe laa, be koe mahina, be ha mea e taha i he lagi, aia nae ikai teu fekau;

4 Bea kabau oku tala ia kiate koe, bea kuo ke fanogo ki ai, mo ke fehui fakababau, bea vakai, oku mooni, bea kuo bau be ae mea koia, kuo fai i Isileli ae mea kovi koia:

5 Te ke toki omi kitua ae tagata be koe fefine koia, aia kuo ne fai ae mea kovi koia, ki ho mataba, io, ae tagata, be koe fefine koia, bea tologaki aki ia ae maka, ke mate.

6 I he gutu oe fakamooni e toko ua, be toko tolu, e tuku ke mate aia oku totonu ke mate; ka i he gutu oe fakamooni e toko taha be e ikai fakamāu ke mate ia;

7 E tomua ai ae nima oe kau fakamooni kiate ia ke tamate‘i ia, bea toki hoko ae nima oe kakai kotoabe. E behe a hoo mou tukuage ai ae kovi iate kimoutolu.

¶ 8 Kabau e hoko ha mea oku fifiligataa aubito a hono fakamāu‘i, i he fetamate‘i aki, i he fefakamāu aki, moe fetaaki, aia oku tubu ai ae fakakikihi i hoo gaahi kolo: bea te ke toki tuu hake, o alu hake ki he botu aia e fili e Jihova ko ho Otua;

9 Bea te ke ha‘u ki he kau taulaeiki koe kau Livai, bea kiate ia oku fakamāu i he gaahi aho koia, bea ke fehui ki ai; bea te nau fakaha kiate koe a hono fakamāu totonu.

10 Bea te ke fai o hage ko hono fakatonutonu, aia e fakaha i he botu koia kiate koe ekinautolu, i he botu koia aia kuo fili e Jihova; bea te ke tokaga ke fai o fakatatau ki he mea kotoabe oku nau tala kiate koe:

11 Ke ke fai o tatau moe fakamāu oe fono aia te nau ako aki kiate koe, bea hage koe fakamāu aia te nau tala kiate koe, oua naa ke afe mei hono fakatonutonu aia te nau fakaha kiate koe, ki he nima toomatau, be ki he toohema.

12 Bea koe tagata ko ia oku bau be ke fai loto lahi, bea oku ikai fie fanogo ki he taulaeiki aia oku tuu ke tauhi i ai i he ao o Jihova ko ho Otua, be ki he fakamāu, koe tagata koia e mate: bea te ke tukuage ae kovi mei Isileli.

13 Bea e fanogo ki ai ae kakai kotoabe, bea manavahe, bea e ikai toe fai ae aga loto lahi.

¶ 14 I hoo hoko atu ki he fonua aia oku foaki e Jihova ko ho Otua kiate koe, bea ke ma‘u ia, mo ke nofo ki ai, bea ke behe, Teu fakanofo ha tu‘i ke bule kiate au, o hage koe gaahi buleaga kotoabe oku takatakai au;

15 Koe mooni ke ke fakanofo ia koe tu‘i ke bule kiate koe, aia e fili e Jihova ko ho Otua: ke ke fakanofo ha toko taha mei ho kaiga koe tu‘i kiate koe: oua naa ke fakanofo ha muli ke bule kiate koe, aia oku ikai ko ho tokoua.

16 Kae oua naa fakalahi eia ae faga hosi kiate ia, be bule ke toe alu atu ae kakai ki Ijibite, koeuhi ke ne fakalahi ae faga hosi: he kuo folofola a Jihova kiate kimoutolu, E ikai te mou toe alu i he hala koia.

17 Bea oua naa fakatokolahi eia ae unoho kiate ia, telia naa afe kehe hono loto: bea oua naa ne fakalahi aubito ae siliva moe koula kiate ia.

18 Bea oka hoko ia o nofo i he nofoa fakatu‘i o hono buleaga, te ne hiki o tohi nima maana ae fono ni i ha tohi mei he tohi aia oku i he ao oe kau taulaeiki moe kau Livai:

19 Bea e iate ia ia, bea te ne lau i ai i he gaahi aho kotoabe o ene moui: koeuhi ke ilo ai ia ke manavahe kia Jihova ko hono Otua, ke fai ki he gaahi lea kotoabe oe fono ni moe gaahi tuutuuni, ke fai ki ai:

20 Ke oua naa hiki hake hono loto ki hono kaiga, bea ke oua naa tafoki mei he fekau, ki he nima toomatau, be ki he toohema: koeuhi ke fakatologa ai hono gaahi aho i hono buleaga, aia, mo ene gaahi fānau, i he lotolotoga o Isileli.