¶ 1 OKA hili hono motuhi e Jihova ko ho Otua ae gaahi kakai, oku onautolu ae fonua oku foaki e Jihova ko ho Otua kiate koe, bea oku ke togia akinautolu, o nofo i he e nau gaahi kolo, mo ho nau gaahi fale;

2 Te ke vahe‘i kiate koe ae kolo e tolu i he lotolotoga o ho fonua, aia oku foaki e Jihova ko ho Otua kiate koe ke ke ma‘u ia.

3 Bea ke teu ae hala kiate koe, bea vahe tolu ae fonua, aia oku foaki e Jihova ko ho Otua ke ke ma‘u, koeuhi ke hola ki ai aia kotoabe kuo fai noa ha tamate.

¶ 4 Bea ko hono uhiga eni oe tamate fainoa, aia e hola ia ki ai, ke ne moui ai: Koia oku ne tamate‘i hono kaugaabi tae loto ki ai, bea nae ikai tomua fehia ia kiate ia;

5 Kae hage koe alu ha tagata mo hono kaugaabi ki he vao ke fai ae taaga, bea oku hiki hono nima ke ta ae akau ke higa, bea homo ae toki mei he ejia, bea lavea ai hono kaugaabi, bea mate ai ia: e hola ia ki he kolo e taha i he gaahi kolo ni, bea e moui ia:

6 Telia naa tuli e he totogi toto ki he tamate fainoa, i he kei vela hono loto, bea ma‘u ia, koeuhi oku loloa ae hala, o ne tamate‘i ia; ka koe mooni nae ikai totonu ke tamate‘i ia, he nae ikai tomua fehia ia kiate ia.

7 Koia oku ou fekau kiate koe, o behe, Ke ke vahe‘i kiate koe ae kolo e tolu.

8 Bea kabau oku fakalahi ho fonua e Jihova ko ho Otua, o hage ko ene fuakava ki hoo gaahi tamai, o ne foaki kiate koe ae gaahi fonua kotoabe aia naa ne talaofa ke foaki ki hoo gaahi tamai;

9 Kabau te ke tauhi ae gaahi fekau ni kotoabe ke fai ki ai, aia oku ou fekau‘i koe he aho ni, ke ofa kia Jihova ko ho Otua, bea ke alu mau be i hono gaahi hala; behe, te ke toki fakalahi aki ae kolo kehe e tolu, ki he kolo e tolu ni:

10 Koeuhi ke oua naa liligi ae toto tae halaia i ho fonua, aia oku foaki e Jihova ko ho Otua koe tofia kiate koe, bea e hoko ai ae toto kiate koe.

¶ 11 Ka koeni, kabau oku fehia ha tagata ki hono kaugaabi, bea toitoi‘i ai bea tuu hake kiate ia, bea ta‘i ia ke lavea lahi bea mate ai, bea hola ia ki he kolo e taha oe gaahi kolo ni:

12 E toki fekau ai e he mātua o ene kolo o omi ia mei ai, bea e tukuage ia ki he nima oe totogi toto, koeuhi ke mate ai ia.

13 Oua naa ofa ho mata kiate ia, ka ke tukuage mei Isileli  a hono nunua oe toto taehalaia, koeuhi ke hoko ai ae lelei kiate koe.

¶ 14 Oua naa ke hiki ae fakagataga fonua o ho kaugaabi, aia nae to i mu‘a i ho tofia, aia te ke ma‘u i he fonua oku foaki e Jihova ko ho Otua ke ke ma‘u.

¶ 15 Oua naa tuu hake ha fakamooni be taha ki ha tagata i he hia, be i he agahala, i ha agahala e taha oku ne fai: i he gutu oe fakamooni e toko ua, be koe toko tolu, e toki fakababau ai ae mea.

16 Kabau e tuu hake ha fakamooni loi ki ha tagata ke fakamooni ha mea kiate ia aia oku hala:

17 E tuu ai ae ogo tagata, aia oku na fakakikihi, i he ao o Jihova i he ao oe kau taulaeiki moe kau fakamāu, aia oku nofo i he gaahi aho koia;

18 Bea e eke lahi e he kau fakamāu: bea, vakai, kabau koe fakamooni loi ae fakamooni, bea kuo ne fakamooni loi ki hono tokoua:

19 Te mou toki fai kiate ia, o hage koia naa ne tokaga ke fai ki hono tokoua: e behe a hoo tukuage ai ae kovi iate kimoutolu.

20 Bea ko kinautolu oku toe te nau fanogo, mo manavahe, bea e ikai te nau toe fai ha kovi behe iate kimoutolu.

21 Bea oua naa ofa ho mata, kae atu ae moui ki he moui, koe mata ki he mata, moe nifo ki he nifo, koe nima ki he nima, moe va‘e ki he va‘e.