¶ 1 KABAU oku ilo ha toko taha kuo tamate‘i i he fonua aia oku foaki e Jihova ko ho Otua ke ke ma‘u, kuo tuku i he goue, bea oku ikai ilo be kohai kuo ne tamate‘i ia:

2 E toki ha‘u ai hoo kau mātua mo hoo kau fakamāu, bea te nau fakafuofua ki he gaahi kolo oku tuu takatakai iate ia kuo fakabogi:

3 Bea e behe, iloga ae kolo oku ofi ki he tagata kuo tamate‘i, io ae kau mātua oe kolo koia, te nau omi ha bulu fefine mui aia nae ikai gaue aki, bea nae ikai toho mea i ha haamoga;

4 Bea e omi e he kau mātua oe kolo koia ae bulu fefine mui ki ha telea tokakovi, aia oku ikai keli be to, bea e tutuu ai ae ulu oe bulu fefine mui i he telea.

5 Bea e ha‘u o ofi ae kau taulaeiki koe gaahi foha o Livai: he kuo fili akinautolu e Jihova ko ho Otua ke tauhi kiate ia, bea ke  fai ae tabuaki i he huafa o Jihova: bea e fakamāu aki e nau tea ae fakakikihi kotoabe moe ta kotoabe:

6 Bea koe kau mātua kotoabe oe kolo koia, aia oku tuu ofi ki he tagata kuo tamate‘i, te nau fanofano ho nau nima i oluga i he bulu fefine mui aia kuo tutuu hono ulu i he telea:

7 Bea te nau lea o behe, Nae ikai liligi e ho mau nima ae toto ni, bea nae ikai mamata ho mau mata ki ai.

8 Ke ke aloofa, E Jihova, ki ho kakai Isileli, aia kuo ke huhui, bea oua naa tuku ae hia oe toto maonioni ki ho kakai Isileli. Bea e fakamolemole ae toto kiate kinautolu.

9 E behe a hoo mou tukuage ai meiate kimoutolu ae hia oe toto maonioni, oka ke ka fai aia oku totonu i he ao o Jihova.

¶ 10 Oka ke ka alu atu ki he tau ki ho gaahi fili, bea tuku mai akinautolu e Jihova ko ho Otua ki ho nima, bea kuo ke ma‘u bobula akinautolu,

11 Bea oku ke mamata i he kau bobula ki ha fefine hoihoifua, bea oku ke tokaga kiate ia koeuhi ke hoko ia ko ho unoho:

12 Behe, te ke omi ia ki abi ki ho fale: bea te ne tekefua ia, bea fakanounou hono geejinima;

13 Bea e too eia ae kofu o ene bobula iate ia, bea e nofo ia i ho fale, bea e tegihia eia ene tamai mo ene fa‘e i he mahina katoa e taha: bea hili ia, e gofua hoo toki alu kiate ia, o hoko ko hono unoho, bea e hoko ia ko ho unoho oou.

14 Bea e behe, kabau oku ikai te ke fiemalie jii iate ia, te ke toki tukuage ia ke alu o faiteliha be ia; ka e ikai aubito te ke fakatau aki ia ae baaga, ke oua naa ke mea fakatau aki ia, koeuhi kuo ke fakavaivai‘i ia.

¶ 15 Kabau oku ma‘u ae unoho e ua e ha tagata, koe ofeina ae taha ka koe fehianekina ae taha, bea kuo na fanau fakatouoji be kiate ia, ae ofeina moe fehianekina; bea kabau koe uluaki foha koe tama ia oia oku fehianekina:

16 Bea e hoko o behe, i he ene fai ke fakahoko hono gaahi foha ke ma‘u aia oku aana, oku ikai lelei ke gaohi ae tama ae ofeina ke uluaki ia o tuu kimua i he tama ae fehianekina, aia koe uluaki fanau  mooni:

17 Ka e fakaha eia ae tama ae fehianekina koe uluaki tubu, i he ene atu kiate ia ae vahega e ua i he mea kotoabe oku ne ma‘u, he koe kamataaga ia o hono malohi; oku aana be ae lelei oe uluaki tubu.

¶ 18 Kabau oku ma‘u e ha tagata ha foha oku baogataa mo agatuu, aia oku ikai aubito fai talagofua ki he le‘o o ene tamai, be ki he le‘o o ene fa‘e, bea i he ena tautea ia, oku ikai tokaga ia kiate kinaua:

19 E toki buke ia e he ene tamai mo ene fa‘e, o omi ia kitua ki he kau mātua oe kolo, bea ki he mataba o ho nau botu;

20 Bea te na behe ki he kau mātua oe kolo, Ko ho ma foha ko eni oku baogataa mo agatuu, oku ikai tui ia ki he e ma fekau: koe uakai  ia moe kona.

21 Bea e tologaki ia e he kau tagata kotoabe a hono kolo aki ae maka, ke mate ai ia: e behe be hoo motuhi ai ae kovi meiate kimoutolu; bea e fanogo ki ai e Isileli kotoabe, bea manavahe.

¶ 22 Bea kabau kuo fai agahala e ha tagata aia oku totonu ke mate ai ia, bea kuo tonu ke tamate‘i ia, bea oku ke tautau ia ki he akau:

23 E ikai tuku hono jino i he akau i he bo o aho, ka te ke tanu mooni ia i he aho koia: (he koia kuo tautau koe malaia ia i he Otua;) koeuhi ke oua naa halaia ho fonua, aia oku foaki e Jihova ko ho Otua kiate koe ko ho tofia.