¶ 1 OUA naa ke mamata ki he alu he ae bulu be koe sibi a ho tokoua, bea fufu koe mei ai: ka te ke toe omi mooni ia ki ho tokoua.

2 Bea kabau oku ikai ofi ho tokoua kiate koe, bea kabau oku ikai te ke ilo ia, te ke toki omi ia ki ho fale oou, bea e iate koe ia ka i he ene kumi ia e ho tokoua, te ke toki atu ia kiate ia.

3 Te ke fai behe be ki he ene asi: bea ke fai behe ki hono kofu: bea ki he gaahi mea liaki kotoabe, aia kuo ne liaki, bea kuo ke ilo, ke ke fai behe ni be: e tabu a hoo fufu ekoe.

¶ 4 Oua naa ke mamata ki he asi a ho tokoua be ko ene bulu oku to i he hala, bea ke fufu koe mei ai: ka te ke tokoni mooni ia ke hiki hake.

¶ 5 Ke oua naa kofu aki e he fefine aia oku kau ki he tagata, bea oua naa ai e he tagata ae kofu fakafefine: he ko kinautolu oku fai behe oku kovi lahi kia Jihova ko ho Otua.

¶ 6 Kabau oku ke ilo fakafokifa be ae bunuga oe manu, i he hala be i he akau, be i he kelekele, be ko ha uhiki be koe foi manu, moe fa‘e oku mohe ki hono uhiki, be ki he foi manu, oua naa ke buke fakataha ae fa‘e mo hono uhiki:

7 Ka ke tukuage ae fa‘e ke alu, bea ke too hono uhiki kiate koe; koeuhi ke hoko ai ae lelei kiate koe, bea ke fakatologa ai ho gaahi aho.

¶ 8 Oka ke ka laga ha fale foou, te ke gaohi ki ai hono a ke takatakai i he tuafale, telia naa ke omi ha toto ki ho fale, o kabau e to ha tagata mei ai.

¶ 9 Oua naa ke to hoo goue vaine aki ae gaahi tega kehekehe: telia naa fakahala‘i ae fua o hoo tega aia kuo ke to, moe fua o hoo vaine.

¶ 10 Oua naa ke taulau‘i fakataha ae bulu moe asi ki he huo toho.

¶ 11 Oua naa ke ai ae kofu oku aga kehekehe, o hage koe fulufulu sibi moe vavae kuo fakataha.

¶ 12 Ke ke gaohi kiate koe ae gaahi bao ki ho bulubulu ki hono botu e fa, aia oku fakabulou aki koe.

¶ 13 Kabau oku fili mai ha unoho e ha tagata bea alu ia kiate ia, bea fehia kiate ia,

14 Bea oku ne fakatubu lau kiate ia, o laga‘i ae lauikovi kiate ia, o ne behe, Neu fili ae fefine ni, bea i he eku ha‘u kiate ia, naaku ilo nae ikai koe taahine ia.

15 Bea e toki too mai o omi e he tamai moe fa‘e ae taahine, hono fakailoga o ene taahine ki he kau mātua i he mataba oe kolo:

16 Bea e behe e he tamai ae taahine ki he kau mātua, Neu foaki eku taahine ki he tagata ke na unoho, bea oku fehia ia kiate ia.

17 Bea vakai, kuo ne fakalaga lau kiate ia, o behe, Oku ikai koe taahine a ho ofefine: ka koe mooni ko hono fakailoga eni o ene taahine. Bea te nau folahi atu ae holo i he ao oe kau mātua oe kolo.

18 Bea e ave e he kau mātua oe kolo koia ae tagata koia o tautea ia:

19 Bea ke nau fakamaua ia ke totogi aki ae  sikeli siliva e teau, o atu ia ki he tamai ae fefine, koe mea i he ene laga‘i ae lau kovi ki he taahine i Isileli: bea e hoko ia ko hono unoho; e ikai gofua ke ne tukuage ia i hono gaahi aho kotoabe.

20 Bea kabau oku mooni ae mea ni, bea oku ikai ilo ae gaahi fakailoga oe taahine ki he fefine:

21 Te nau toki omi kitua ae fefine mei he mataba oe fale o ene tamai, bea e tologaki ia e he kau tagata o hono kolo aki ae maka ke mate ia, koe mea i he ene fai agakovi i Isileli, o fai feauaki i he fale o ene tamai: e behe be hoo tukuage ae kovi meiate kimoutolu.

¶ 22 Kabau e ilo ha tagata oku mohe ia moe fefine kuo mali unoho, e mate fakatouoji ai akinaua, ae tagata nae mohe moe fefine, bea moe fefine: e behe be hoo tukuage ae kovi mei Isileli.

¶ 23 Kabau oku boloi ha taahine koe tāuboou ki ha tagata, bea ma‘u ia e ha tagata i he kolo, bea mohe mo ia;

24 Te mou toki omi akinaua kitua ki he mataba oe kolo, bea te mou tologaki aki akinaua ae maka ke na mate: ae fefine, koeuhi nae ikai kalaga ia, ka kuo ne i he kolo; moe tagata koe mea i he ene fakahala‘i ae unoho o hono kaugaabi: e behe be hoo tukuage ae kovi meiate kimoutolu.

¶ 25 Bea kabau oku ma‘u i he goue e ha tagata ae taahine boloi, bea tohotoho ia, bea mohe mo ia: koe tagata be nae mohe mo ia e mate:

26 Ka e ikai te ke fai ha mea ki he taahine; oku ikai i he taahine ha agahala ke mate ai ia: ka oku hage koe tuu hake ha tagata ki hono kaugaabi, o ne tamate‘i ia, oku behe be ae mea ni:

27 He naa ne ma‘u ia i he goue, bea nae kalaga ae taahine boloi, ka nae ikai ha toko taha ke fakamoui ia.

¶ 28 Kabau oku ma‘u e ha tagata ha taahine koe tāuboou, aia oku ikai boloi, bea buke ia, bea mohe mo ia, bea kuo ilo akinaua;

29 Behe e atu e he tagata nae mohe mo ia ki he tamai ae taahine ae  sikeli siliva e nimagofulu; bea e hoko  ae fefine koia ko hono unoho: koe mea i he ene fakahala‘i ia, oku ikai lelei ene tukuage ia lolotoga a ene moui kotoabe.

¶ 30 Ke oua naa unoho ha tagata moe unoho o ene tamai be fakatelefua ene tamai.