¶ 1 BEA koeni e Isileli, ke ke tokaga ki he gaahi tuutuuni, moe gaahi fakamāu, aia oku ou ako aki kiate kimoutolu, ke mou fai ia, koeuhi ke mou moui, bea alu o ma‘u ae fonua aia oku foaki e Jihova koe Otua o hoo mou gaahi tamai kiate kimoutolu.

2 Oua naa mou fakalahi ki he lea aia oku ou fekau kiate kimoutolu, bea oua naa mou fakajiijii ia, koeuhi ke mou tauhi ae gaahi fekau a Jihova ko ho mou Otua aia oku ou fekau kiate kimoutolu.

3 Kuo mamata e ho mou mata aia nae fai e Jihova koeuhi ko Beali‐beoli: he koe kau tagata kotoabe nae muimui ia Beali‐beoli, kuo fakaauha akinautolu e Jihova ko ho mou Otua meiate kimoutolu.

4 Ka ko kimoutolu nae bikitai kia Jihova ko ho mou Otua oku mou moui kotoabe he aho ni.

5 Vakai, kuou ako aki kiate kimoutolu ae gaahi tuutuuni, moe gaahi fakamāu io o hage koe fekau a Jihova ko hoku Otua kiate au, koeuhi ke mou fai behe i he fonua aia oku mou alu ke nofo ai.

6 Koia ke mou tauhi mo fai ki ai; he ko hoo mou boto ia, mo hoo mou iloaga i he ao oe gaahi buleaga, aia e fanogo ki he gaahi tuutuuni ni kotoabe, o nau behe, Koe mooni koe buleaga lahi ni koe kakai boto mo faa ilo.

7 He koefe ha kakai oku behe ni hono lahi, aia oku ofi behe ni ae Otua kiate kinautolu, o hage ko Jihova ko ho tau Otua mo ene ofi i he gaahi mea kotoabe oku tau kole ai kiate ia?

8 Bea koefe ha kakai oku behe ni hono lahi aia kuo ma‘u ae gaahi tuutuuni moe gaahi fakamāu maonioni, o tatau moe fono ni kotoabe, aia oku ou fokotuu i ho mou ao he aho ni?

9 Ka ke vakai be kiate koe bea tauhi i he fakamatoato ho laumalie, telia naa galo iate koe ae gaahi mea kuo mamata ki ai ho mata, bea telia naa nau mahui mei ho loto i he aho kotoabe o hoo moui: ka ke ako aki ia ki ho gaahi foha, bea ki he fānau a ho gaahi foha;

10 Ae aho koia naa ke tuu ai i he ao o Jihova ko ho Otua i Holebi, aia nae folofola ai a Jihova kiate au, Ke ke fakakatoa ae kakai ke nau fakataha kiate au, bea teu fakaogo atu eku gaahi lea kiate kinautolu, koeuhi ke nau ilo ke manavahe kiate au i he aho kotoabe aia te nau moui ai i mamani, bea ke nau akonaki‘i e nau fānau.

11 Bea naa mou ha‘u o ofi o tuu i he lalo mouga; bea nae vela ae mouga i he afi o a‘u atu ki he loto lagi, i he fakabouli, moe gaahi ao, moe bouli matolu.

12 Bea nae folofola a Jihova kiate kimoutolu mei he loto afi: naa mou ogo‘i ae le‘o oe gaahi lea, ka nae ikai te mou mamata ki ha mea fakatātā; naa mou ogo‘i ae le‘o be.

13 Bea naa ne fakababau kiate kimoutolu ene fuakava, aia naa ne fekau ke mou fai, io koe fekau e hogofulu; bea naa ne tohi ia i he maka lafalafa e ua.

¶ 14 Bea nae fekau kiate au e Jihova i he kuoga koia keu ako aki kiate kimoutolu ae gaahi tuutuuni moe gaahi fakamāu, koeuhi ke mou fai ia i he fonua aia oku mou alu atu ke ma‘u.

15 Koia ke mou faa vakai kiate kimoutolu; he nae ikai te mou mamata ki ha mea fakatātā i he aho nae folofola ai a Jihova kiate kimoutolu i Holebi mei he loto afi:

16 Telia naa mou fakahala‘i akimoutolu, o ta haa mou mea fakatātā, koe fakatātā o ha mea e taha, be koe fakatātā o ha tagata be ha fefine,

17 Be koe fakatātā o ha manu oku i he fonua, be koe fakatātā o ha manu kabakau oku buna i he atā,

18 Be koe fakatātā o ha manu oku totolo i he kelekele, be koe fakatātā o ha ika oku i he gaahi vai i lalo i he fonua:

19 Bea telia naa ke haga hake ho mata ki he lagi, bea jio ki he laa, moe mahina, moe gaahi fetuu, io ae gaahi mea kotoabe i he lagi, bea fakahe‘i koe ke lotu ki ai, o tauhi ia, aia kuo vahe‘i e Jihova ko ho Otua ki he gaahi buleaga oku i he lalo lagi kotoabe.

20 Ka kuo too akimoutolu e Jihova, o ne omi akimoutolu mei he tutuaga ukamea, io mei Ijibite, ke  mou hoko kiate ia koe kakai o hono tofia, o hage koia he aho ni.

21 Bea nae houhau foki a Jihova kiate au koeuhi ko kimoutolu, bea ne fuakava e ikai teu alu au ki he kau vai e taha o Joatani, bea e ikai teu alu ki he fonua lelei koia, aia oku foaki e Jihova ko ho Otua kiate koe ko ho tofia:

22 Ka kuo bau be keu mate i he fonua ni, kuo bau e ikai teu aa i Joatani: ka e laka atu akimoutolu, o ma‘u ae fonua lelei koia.

23 Vakai lelei kiate kimoutolu, telia naa mou fakagalo‘i ae fuakava a Jihova ko ho mou Otua, aia kuo fai eia mo kimoutolu, bea mou gaohi haa mou fakatātā kuo ta, be koe fakatātā ki ha mea e taha, aia kuo fakatabu‘i ai koe e Jihova ko ho Otua.

24 He ko Jihova ko ho Otua koe afi fakaauha, io, koe Otua fuaa.

¶ 25 Oka tubu iate koe ae fānau, moe fānau ae fānau, bea kuo fuoloa hoo mou nofo i he fonua, bea kuo mou fakahala‘i akimoutolu, o gaohi ha fakatātā kuo ta, be koe fakatātā ki ha mea e taha, bea mou fai kovi i he ao o Jihova ko ho Otua, ke fakatubu hono houhau:

26 Oku ou ui ki he lagi mo mamani ke fakamooni kiate kimoutolu he aho ni, koeuhi e vave a hoo mou auha aubito mei he fonua aia oku mou aa i Joatani ke nofo ai; e ikai te mou fakatologa ho mou gaahi aho i ai, ka e auha aubito akimoutolu.

27 Bea e fakahe‘i akimoutolu e Jihova ki he gaahi buleaga, bea e fakatoe akimoutolu ke toko jii i he lotolotoga oe kakai taelotu aia e tataki akimoutolu ki ai e Jihova.

28 Bea te mou tauhi i ai ae gaahi otua, koe gaue ae nima oe kau tagata, ae akau moe maka, aia oku ikai mamata, be ogo‘i, be kai, be nanamu.

29 Ka koeni, kabau te ke kumi mei ai a Jihova ko ho Otua, te ke ilo ia, kabau oku ke kumi ia aki ho loto kotoa mo ho laumalie kotoa.

30 Oka moua koe i he mamahi, bea kuo hoko ae gaahi mea ni kotoabe kiate koe, io i he gaahi aho amui, kabau te ke tafoki kia Jihova ko ho Otua, bea ke fai talagofua ki hono le‘o;

31 (He ko Jihova ko ho Otua, koe Otua aloofa;) e ikai te ne liaki koe, be fakaauha koe, be fakagalo‘i ae fuakava a hoo gaahi tamai aia naa ne fuakava ai kiate kinautolu.

32 He koeni, ke ke fehui ki he gaahi aho kuo oji, aia nae i mu‘a iate koe, talu ae aho nae fakatubu ai e he Otua ae tagata i mamani, bea fehui mei he botu e taha oe lagi o a‘u ki hono botu e taha, be nae i ai ha mea behe o hage koe mea lahi ni, be kuo ai ha fanogo ki ha mea behe?

33 Be nae ai ha kakai nae fanogo ki he le‘o oe Otua oku folofola mei he loto afi, o hage ko hoo ogo‘i, bea moui?

34 Be kuo finagalo ae Otua ke alu o too kiate ia ha kakai mei he lotolotoga oe buleaga kehe, i he gaahi ahiahi, moe gaahi fakailoga, i he gaahi mana, bea i he tau, bea i he nima mafimafi, bea i he nima kuo mafao, bea i he gaahi mea fakailifia lahi, o hage koe gaahi mea kotoabe nae fai e Jihova ko ho mou Otua kiate kimoutolu i Ijibite i ho mou ao?

35 Nae fakaha ia kiate koe, koeuhi ke ke ilo ko Jihova koia koe Otua; oku ikai ha toko taha mo ia,

36 Naa ne gaohi koe ke ke ogo‘i hono le‘o mei he loto lagi, koeuhi ke ne akonaki‘i koe: bea naa ne fakaha kiate koe i mamani ene afi lahi; bea naa ke ogo‘i ene gaahi folofola mei he loto afi.

37 Bea koe mea i he ene ofa ki hoo gaahi tamai, koia kuo ne fili ai ho nae hako ki mui iate kinautolu, o ne omi koe kituaa i hono ao i hono malohi lahi mei Ijibite;

38 Ke kabuji atu ae gaahi buleaga mei ho ao, oku lahi hake mo malohi lahi iate koe, ke omi koe ki loto, ke foaki kiate koe ho nau fonua, ko ho tofia, o hage koia he aho ni.

39 Koia ke ke ilo he aho ni, bea fakakaukau ki ai i ho loto, ko Jihova koia koe Otua i he lagi i oluga, bea i mama i lalo ni: oku ikai mo ha toko taha.

40 Koia ke ke tauhi ene gaahi tuutuuni, mo ene gaahi fekau, aia oku ou fekau ai kiate koe he aho ni, koeuhi ke hoko ae lelei kiate koe, bea mo hoo fānau kimui iate koe, bea koeuhi ke ke fakatologa ai ho gaahi aho i mamani, aia oku foaki kiate koe e Jihova ko ho Otua o taegata.

¶ 41 Bea nae toki vahe‘i e Mosese ae kolo e tolu i he kau vai ki heni o Joatani ki he feituu hahake;

42 Koeuhi ke hola ki ai ae tamate fainoa, aia kuo tamate lavenoaia ai hono kaugaabi, bea nae ikai fehia kiate ia i he gaahi aho kuo hili; bea koeuhi i he ene hola ki he kolo e taha oe gaahi kolo ni ke ne moui ai:

43 Ko Beseli i he toafa, i he botu fonua toafa oe faahiga o Lubeni; mo Lemoti i Kiliati, oe faahiga o Kata; mo Kolani i Besani, i he faahiga o Manase.

¶ 44 Bea ko eni ae fono nae fokotuu e Mosese i he ao oe fānau a Isileli:

45 Ko eni ae gaahi fakamooni, moe gaahi tuutuuni, moe gaahi fakamāu, aia nae lea aki e Mosese ki he fānau a Isileli, hili e nau ha‘u mei Ijibite,

46 I he botu mai o Joatani, i he botu maulalo o hagatonu atu ki Bete‐beoli i he fonua o Sihoni koe tu‘i oe kau Amoli, aia nae nofo i Hesiboni, aia nae teia e Mosese moe fānau a Isileli, hili e nau ha‘u mei Ijibite:

47 Bea naa nau ma‘u hono fonua, moe fonua o Oki koe tu‘i o Besani, koe tu‘i e toko ua oe kau Amoli, nae i he botu ki heni o Joatani o haga atu ki he hoboaga laa;

48 Mei Aloeli aia oku i he matavai oe vai tafe ko Alanoni o a‘u ki he mouga ko Saione, aia ko Heamoni,

49 Bea moe botu tafagafaga kotoabe i he botu ki heni o Joatani o haga ki hahake, io o a‘u atu ki he tahi oe toafa, i lalo i he gaahi matavai o Bisika.