¶ 1 OKA omi koe e Jihova ko ho Otua ki he fonua aia oku ke alu ki ai ke ma‘u ia, bea kuo kabuji eia ae gaahi kakai mei ho ao, koe kau Heti, moe kau Keakasa, moe kau Amoli, moe kau Kenani, moe kau Belesi, moe kau Hevi, moe kau Jebusi, koe buleaga e fitu oku lahi hake mo malohi lahi iate koe;

2 Bea ka tuku mai akinautolu e Jihova ko ho Otua i ho ao; te ke ta‘i akinautolu, o fakaauha aubito akinautolu; oua naa mou fai ha fuakava mo kinautolu, be fakaha ha agaofa kiate kinautolu:

3 Bae oua naa mou remaliaki mo kinautolu; oua naa ke atu ho ofefine ki hono foha, bea oua naa ke fili hono ofefine ki ko foha.

4 He te nau fakatafoki ho foha mei he muimui iate au, ke nau tauhi ae gaahi otua kehe: koia e tubu ai ae houhau o Jihova kiate kimoutolu, ke fakaauha fakafokifa be koe.

5 Ka te mou fai behe kiate kinautolu; ke mou maumau‘i ho nau gaahi feilaulauaga, bea feji‘i hifo e nau gaahi mea fakatātā, bea ta hifo e nau gaahi vao tabu, bea tutu ho nau gaahi tamabua i he afi.

6 He koe kakai maonioni koe kia Jihova ko ho Otua: kuo fili koe e Jihova ko ho Otua ke hoko koe kakai ofeina kiate ia, i he kakai kotoabe oku i he fuga o mamani.

7 Nae ikai fakahoko e Jihova ene ofa kiate kimoutolu, be fili akimoutolu, koeuhi ko ho mou toko lahi hake i he kakai kotoabe; he naa mou toko jii hifo i he kakai kotoabe:

8 Ka koe mea i he ofa a Jihova kiate kimoutolu, bea koeuhi ko hono finagalo ke fakamooni ae fuakava aia naa ne fuakava aki ki hoo mou gaahi tamai, koia kuo ne omi ai kituaa akimoutolu i he nima mafimafi, o ne huhui akimoutolu mei he fale oe kau bobula, mei he nima o Felo koe tu‘i o Ijibite.

9 Koia ke ke ilo ko Jihova ko ho Otua, koe Otua ia, koe Otua agatonu, aia oku ne tauhi ae fuakava moe aloofa mo kinautolu oku ofa kiate ia, bea fai ki he ene gaahi fekau, o a‘u atu ki he toutagata lau‘i afe;

10 Bea oku totogi eia kiate kinautolu oku fehia kiate ia ki ho nau mata, ke fakaauha akinautolu: e ikai fai tuai ia kiate ia oku ne fehia kiate ia, e totogi eia kiate ia ki hono mata.

11 Koia ke ke tauhi ekoe ae gaahi fekau, moe gaahi tuutuuni, moe gaahi fakamāu, aia oku ou fekau kiate koe he aho ni, ke fai ki ai.

¶ 12 Bea koia, e hoko o behe, o kabau te mou tokaga ki he gaahi fakamāu ni, bea tauhi, bea fai ki ai, e fai kiate koe e Jihova ko ho Otua ae fuakava moe aloofa aia naa ne fuakava ai ki hoo gaahi tamai;

13 Bea te ne ofa eia kiate koe, bea tabuaki‘i koe, mo ne fakatokolahi koe: bea e tabuaki eia ae fua o ho manāva, moe fua o ho fonua, a hoo uite, mo hoo uaine, mo hoo lolo, moe fanafanau a hoo faga manu, mo hoo gaahi faga sibi, i he fonua aia naa ne fuakava ki hoo gaahi tamai ke foaki kiate koe.

14 E monuia lahi hake koe i he kakai kotoabe: e ikai baa ha tagata be ha fefine iate kimoutolu, be i hoo mou faga manu.

15 Bea e too e Jihova iate koe ae gaahi mahaki kotoabe, bea e ikai te ne ai kiate koe ha mahaki kovi e taha o Ijibite, aia oku ke ilo‘i; ka te ne hilifaki ia kiate kinautolu oku fehia kiate koe.

16 Bea te ke fakaauha ae kakai kotoabe aia e tukuage kiate koe e Jihova ko ho Otua; ke oua jii naa ofa ho mata kiate kinautolu: bea oua naa ke tauhi ho nau gaahi otua; he te nau hoko koe tauhele kiate koe.

17 Kabau oku ke lau i ho loto, Oku toko lahi hake ae gaahi kakai ni iate au; e fefe‘i eku faa kabuji akinautolu?

18 Oua naa ke manavahe kiate kinautolu: ka ke manatu lelei be ki he mea nae fai e Jihova ko ho Otua kia Felo, bea ki Ijibite kotoabe.

19 Koe ahiahi lahi nae mamata ki ai e ho mata, moe gaahi fakailoga, moe gaahi mea mana, moe toukubu mafimafi, moe nima kuo mafao, aia nae omi ai koe kitua e Jihova ko ho Otua: e fai behe be e Jihova ko ho Otua ki he kakai kotoabe aia oku ke manavahe ki ai.

20 Bea e fekau foki e Jihova ko ho Otua ae faga lagomu kiate kinautolu, kae oua ke fakaauha akinautolu oku toe, o nau fufu akinautolu meiate koe.

21 E ikai te ke manavahe koe kiate kinautolu: he ko Jihova ko ho Otua oku iate kimoutolu, koe Otua mafimafi mo fakamanavahe.

22 Bea e kabuji e Jihova ko ho Otua ae gaahi kakai na mei ho ao o faifai malie be: oua naa ke fakaauha leva akinautolu, telia naa tubu o lahi kiate koe ae faga manu fekai oe vao.

23 Ka e tuku mai akinautolu kiate koe e Jihova ko ho Otua, bea e fakaauha akinautolu i he fakaauha lahi, kae oua ke nau auha.

24 Bea e tukuage eia ho nau gaahi tu‘i ki ho nima, bea te ke fakaauha ho nau higoa mei he lalo lagi: e ikai faa tuu ha tagata i ho ao, kae oua ke auha akinautolu iate koe.

25 Ke mou tutu aki ae afi ae gaahi mea fakatātā kuo ta oe nau gaahi otua: oua naa ke holi ki he siliva be koe koula oku iate kinautolu, be too ia kiate koe, telia naa hele‘i ai koe: he koe mea fakalielia ia kia Jihova ko ho Otua.

26 Bea oua naa ke omi ae mea fakalielia ki ho fale, telia naa ke hoko koe mea malaia o hage koia: ka ke fehia matemate ki ai, bea ke fākalilia ki ai; he koe mea fakamalaia ia.